കൊച്ചി: കളമശ്ശേരി സ്ഫോടനത്തില് മരിച്ചവരുടെ എണ്ണം രണ്ടായി. പരിക്കേറ്റ് ചികിത്സയിലായിരുന്ന ഒരു സ്ത്രീയാണ് മരിച്ചത്. തൊടുപുഴ സ്വദേശി കുമാരി (53)യാണ് മരിച്ചത്. 90 ശതമാനത്തിലേറെ പൊള്ളലേറ്റ ഇവർ കളമശ്ശേരി മെഡിക്കല് കോളേജ് തീവ്രപരിചരണ വിഭാഗത്തില് ചികിത്സയിലായിരുന്നു.
ഇന്ന് രാവിലെ ഉണ്ടായ സ്ഫോടനത്തില് ആദ്യം മരിച്ച സ്ത്രീയെ ഇതുവരെ തിരിച്ചറിയാൻ കഴിഞ്ഞിട്ടില്ല. സംഭവത്തിൽ പൊലീസ് അന്വേഷണം നടത്തിവരികയാണ്. ആകെ ചികിത്സ തേടിയത് 52 പേരെന്ന് ആരോഗ്യമന്ത്രി വീണാ ജോര്ജ് അറിയിച്ചിരുന്നു. നിലവില് അഞ്ചുപേരുടെ നില ഗുരുതരാവസ്ഥയിലാണ്. അതില് 12 വയസുള്ള ഒരു കുട്ടിയും ഉള്പ്പെടുന്നുണ്ട്. കുട്ടിക്ക് 90 ശതമാനത്തില് അധികം പൊള്ളലേറ്റിട്ടുണ്ട്.
പ്രതികരിക്കാൻ ഇവിടെ എഴുതുക