ആരോഗ്യത്തിന് അവശ്യം വേണ്ട വൈറ്റമിനുകള് അടക്കമുള്ള പോഷകങ്ങള് ലഭിക്കണമെങ്കില് ഭക്ഷണത്തില് പച്ചക്കറികള് ഉള്പ്പെടുത്തേണ്ടതുണ്ട്. ഇത്തരത്തില് നിരവധി ആരോഗ്യഗുണങ്ങള് അടങ്ങിയ പച്ചക്കറിയാണ് റാഡിഷ്. പതിവായി റാഡിഷ് കഴിക്കുന്നത് ആരോഗ്യത്തിന് ഏറെ ഗുണം ചെയ്യുമെന്നാണ് പറയുന്നത്.
ഫൈബര് ധാരാളം അടങ്ങിയ റാഡിഷ് ദഹനം മെച്ചപ്പെടുത്താന് സഹായിക്കും. പൊട്ടാസ്യം ധാരാളം അടങ്ങിയ റാഡിഷ് ഉയര്ന്ന രക്തസമ്മര്ദ്ദത്തെ നിയന്ത്രിക്കാന് സഹായിക്കും. ഹൃദയാരോഗ്യം സംരക്ഷിക്കാനും ഇവ സഹായിക്കും. വിറ്റാമിന് സി, ഫോളിക് ആസിഡ്, ഫ്ളവനോയിഡ് എന്നിവയുടെ കലവറയാണ് റാഡിഷ്. ഇവയെല്ലാം ശരീരത്തിന്റെ രോഗ പ്രതിരോധശേഷി വര്ധിപ്പിക്കാന് സഹായിക്കുന്നതാണ്.
റാഡിഷിന്റെ ഗ്ലൈസെമിക് സൂചിക കുറവാണ്. അതിനാല് പ്രമേഹ രോഗികള്ക്കും റാഡിഷ് കഴിക്കാം. ഫൈബര് ധാരാളം അടങ്ങിയതും കലോറി കുറഞ്ഞുമായ റാഡിഷ് കഴിക്കുന്നത് വിശപ്പ് കുറയ്ക്കാന് സഹായിക്കും. അതുവഴി ശരീരഭാരത്തെ നിയന്ത്രിക്കാം. റാഡിഷില് വെള്ളം ധാരാളം അടങ്ങിയിട്ടുണ്ട്. ചര്മ്മത്തിന്റെ ആരോഗ്യത്തിനും റാഡിഷ് ഡയറ്റില് ഉള്പ്പെടുത്തുന്നത് നല്ലതാണ്.
പ്രതികരിക്കാൻ ഇവിടെ എഴുതുക