നിലക്കടല അഥവാ കപ്പലണ്ടി ഏവർക്കും ഇഷ്ട്ടമാണ്. നിരവധി പോഷകങ്ങള് അടങ്ങിയ നട്സാണ് നിലക്കടല. അറിയാം മിതമായ അളവില് ദിവസവും നിലക്കടല കഴിക്കുന്നതിന്റെ ഗുണങ്ങൾ.
വിറ്റാമിനുകളും മിനറലുകളും നാരുകളും പ്രോട്ടീനും ആരോഗ്യകരമായ കൊഴുപ്പുകളും നിറഞ്ഞതാണ് നിലക്കടല. പൊട്ടാസ്യം, സോഡിയം, മഗ്നീഷ്യം, ഫോസ്ഫറസ്, കോപ്പര് തുടങ്ങിയവയും ഇവയില് അടങ്ങിയിട്ടുണ്ട്.
ആരോഗ്യകരമായ കൊഴുപ്പുകൾ അടങ്ങിയ നിലക്കടല ചീത്ത കൊളസ്ട്രോളിനെ കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കും.
ഫൈബര് ധാരാളം അടങ്ങിയതാണ് നിലക്കടല. അതിനാല് പ്രമേഹ രോഗികള്ക്ക് ഇവ കഴിക്കാം.
രക്തത്തിലെ പഞ്ചസാരയുടെ അളവ് നിയന്ത്രിക്കാന് ഇവ സഹായിക്കും.
ഫൈബര് ധാരാളം അടങ്ങിയിട്ടുളളതിനാല് ദഹനം മെച്ചപ്പെടുത്താനും നിലക്കടല സഹായിക്കും.
നാരുകള് അടങ്ങിയ നിലക്കടല കഴിക്കുന്നത് വയര് പെട്ടെന്ന് നിറയ്ക്കാനും അതുവഴി വണ്ണം കുറയ്ക്കാനും സഹായിക്കും.
വിറ്റാമിന് ഇ അടങ്ങിയ നിലക്കടല ശരീരത്തിന്റെ മൊത്തം ആരോഗ്യത്തിനും ചര്മ്മത്തിന്റെ ആരോഗ്യത്തിനും നല്ലതാണ്.
പ്രതികരിക്കാൻ ഇവിടെ എഴുതുക