നിരവധി ആരോഗ്യ ഗുണങ്ങളുള്ള ഒന്നാണ് ചീസ്. ഇവയിലുള്ള കാത്സ്യം എല്ലുകളുടെയും പല്ലുകളുടെയും ബലത്തിനു വളരെ നല്ലതാണ്. ധാരാളം കലോറി അടങ്ങിയിരിക്കുന്നതിനാല് ഊര്ജ്ജം ലഭിക്കാന് സഹായിക്കുന്ന ഒന്നാണ് ചീസ്. എന്നാല് കൊഴുപ്പും ഉപ്പും ചീസില് കൂടിയ അളവില് അടങ്ങിയിരിക്കുന്നതിനാല് മിതമായ അളവില് മാത്രം ചീസ് കഴിക്കുന്നതാണ് ഉത്തമം എന്നാണ് ആരോഗ്യ വിദഗ്ധർ പറയുന്നത്.
ദിവസവും കൂടിയ അളവില് ചീസ് കഴിക്കുന്നത് കൊളസ്ട്രോള്, രക്തസമ്മര്ദം എന്നിവ വര്ധിക്കുന്നതിനും അതുവഴി ഹൃദ്രോഗങ്ങള് പിടിപെടാനും സാധ്യതയുണ്ടെന്നാണ് ആരോഗ്യ വിദഗ്ധര് പറയുന്നത്. കൂടാതെ വണ്ണം കുറയ്ക്കാന് ആഗ്രഹിക്കുന്നവര് ചീസ് അധികം കഴിക്കാതിരിക്കുന്നതാണ് ഉചിതം. കാരണം കലോറി കൂടുതലുള്ളതിനാല് ചീസ് പതിവായി കഴിക്കുന്നത് ശരീര ഭാരം വര്ധിക്കാന് കാരണമാകും.
അതേസമയം, കാത്സ്യത്തിന്റെ മികച്ച സ്രോതസാണ് ചീസ്. എല്ലുകളുടെ ആരോഗ്യത്തിന് കാത്സ്യം അത്യന്താപേക്ഷിതമാണ്. അതിനാല് കാത്സ്യവും പ്രോട്ടീനും ധാരാളം അടങ്ങിയ ചീസ് കഴിക്കുന്നത് എല്ലുകളുടെയും പല്ലുകളുടെയും ബലത്തിനു വളരെ നല്ലതാണ്. രോഗപ്രതിരോധശേഷി വര്ധിപ്പിക്കാന് സഹായിക്കുന്ന ഒന്നാണ് ചീസ്. പ്രോബയോട്ടിക് ഗുണങ്ങളുള്ള ഇവ വയറിന്റെ ആരോഗ്യത്തിനും നല്ലതാണ്. ചീസില് ഗ്ലൈസേമിക് ഇന്ഡെക്സ് നില കുറവാണ്. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാന് സഹായിക്കും. അതിനാല് ചീസ് മിതമായ അളവില് കഴിക്കുന്നത് പ്രമേഹ രോഗികള്ക്ക് ഗുണം ചെയ്യും. തലച്ചോറിന്റെ ആരോഗ്യത്തിനും ചീസ് ഡയറ്റില് ഉള്പ്പെടുത്തുന്നത് നല്ലതാണ്. എന്നാൽ മിതമായ അളവില് മാത്രം കഴിക്കുന്നതാണ് നല്ലത്.
പ്രതികരിക്കാൻ ഇവിടെ എഴുതുക