വയറിന്റെ ആരോഗ്യം എന്നത് നമ്മള് എന്ത് കഴിക്കുന്നു എന്നതിനെ ആശ്രയിച്ചിരിക്കും. ഇങ്ങനെ ഭക്ഷണത്തിൽ ശ്രദ്ധിച്ചാൽ ആരോഗ്യം കാത്തുസൂക്ഷിക്കാൻ സാധിക്കും. അത്തരത്തിൽ ഏതൊക്കെ ഭക്ഷണങ്ങൾ ആണ് കഴിക്കേണ്ടത് എന്ന് നോക്കാം.
ഗ്രീന് ടീ ആണ് ആദ്യമായി ഈ പട്ടികയില് ഉള്പ്പെടുന്നത്. വിറ്റാമിനുകളും ആന്റി ഓക്സിഡന്റുകളും അടങ്ങിയ ഗ്രീന് ടീ പതിവാക്കുന്നത് വയറിന്റെ ആരോഗ്യത്തിന് ഏറെ നല്ലതാണ്.
വെളുത്തുള്ളി ആണ് രണ്ടാമതായി ഈ പട്ടികയില് ഉള്പ്പെടുന്നത്. ഹൃദയാരോഗ്യത്തിനും രോഗപ്രതിരോധ ശക്തി വര്ധിപ്പിക്കാനും ദഹനത്തെ ശക്തിപ്പെടുത്താനും വെളുത്തുള്ളി ഭക്ഷണത്തില് ഉൾപ്പെടുത്തുന്നത് ഗുണം ചെയ്യും. ദഹനസംവിധാനത്തെ ആരോഗ്യത്തോടെ സൂക്ഷിക്കുന്ന സൂക്ഷ്മ ബാക്ടീരിയകളുടെ വളര്ച്ചയ്ക്ക് സഹായിക്കുന്നതാണ് വെളുത്തുള്ളി. അതിനാല് ഇവ പതിവായി ഡയറ്റില് ഉള്പ്പെടുത്താം.
ഉള്ളിയാണ് അടുത്തതായി ഈ പട്ടികയില് ഉള്പ്പെടുന്നത്. മിക്ക കറികളിലും പ്രധാന ചേരുവയായി നമ്മള് ഉപയോഗിക്കുന്ന ഒന്നാണ് ഉള്ളിയും സവാളയുമൊക്കെ. നമ്മുടെ ശരീരത്തിനാവശ്യമായ തരത്തിലുള്ള ബാക്ടീരിയകളെ നിലനിര്ത്താന് ഉള്ളി സഹായിക്കും. ദഹനപ്രവര്ത്തനങ്ങള് എളുപ്പത്തിലാക്കാനും ഇത് സഹായിക്കും.
ഏറെ ആരോഗ്യ ഗുണങ്ങളുള്ള ഒന്നാണ് ഫ്ളാക്സ് സീഡ് അഥവാ ചണവിത്ത്. ഫൈബര് അടക്കം ധാരാളം പോഷകങ്ങള് അടങ്ങിയ ഫ്ളാക്സ് സീഡ് ഡയറ്റില് ഉള്പ്പെടുത്തുന്നത് ദഹനവ്യവസ്ഥയ്ക്ക് നല്ലതാണ്.
ബാര്ലിയാണ് അവസാനമായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ ഇവയും വയറിന്റെ ആരോഗ്യത്തിന് ഏറെ നല്ലതാണ്.
പ്രതികരിക്കാൻ ഇവിടെ എഴുതുക