തിരുവനന്തപുരം: ഗണേഷ് കുമാറും കടന്നപ്പള്ളി രാമചന്ദ്രനും മന്ത്രിമാരാകുന്നതില് അന്തിമതീരുമാനം നാളെ. ഇതു സംബന്ധിച്ച് ഇടത് മുന്നണിയോഗത്തില് പ്രഖ്യാപനമുണ്ടായേക്കും.
രണ്ടാം പിണറായി മന്ത്രിസഭയുടെ പുനഃസംഘടന വേഗത്തില് വേണമെന്നാവശ്യപ്പെട്ട് കേരളാ കോണ്ഗ്രസ് (ബി) എല്ഡിഎഫ് മുന്നണി നേതൃത്വത്തിന് കത്ത് നല്കിയിരുന്നു. നവകേരള സദസിന് മുന്പ് പുനഃസംഘടന വേണമെന്നായിരുന്നു ആവശ്യം.
ഗതാഗത വകുപ്പ് ഗണേഷ് കുമാറിനും തുറമുഖ വകുപ്പ് കടന്നപ്പള്ളി രാമചന്ദ്രനുമാണ് ലഭിക്കുക. നവകേരള സദസ്സിന് ശേഷം ഡിസംബര് അവസാനം മന്ത്രിസഭാ പുനഃസംഘടന നടക്കുമെന്ന് ഇടത് മുന്നണി കണ്വീനര് ഇ പി ജയരാജന് അറിയിച്ചിരുന്നു.
പ്രതികരിക്കാൻ ഇവിടെ എഴുതുക