പത്തനംതിട്ട: മകരവിളക്ക് ആഘോഷത്തിനൊരുങ്ങി സന്നിധാനം. മകരവിളക്കിനെ തുടര്ന്ന് സന്നിധാനത്ത് തീര്ത്ഥാടകരുടെ തിരക്ക് കൂടിവരികയാണ്. തിരക്ക് നിയന്ത്രിക്കുന്നതിന്റെ ഭാഗമായി വെര്ച്ചല് ക്യൂ 50,000 ആയി പരിമിതപ്പെടുത്തിയിട്ടുണ്ട്. സന്നിധാനത്ത് പരിസരത്തും മകരവിളക്ക് ദര്ശനത്തിനായി എത്തിയ തീര്ത്ഥാടകര് ശാലകള് കെട്ടി കാത്തിരിക്കുകയാണ്.
ഇന്ന് ബിംബശുദ്ധി ക്രിയകളും താന്ത്രിക ചടങ്ങുകളുമാണ് പ്രധാനമായും നടക്കുക. സുരക്ഷയ്ക്കായി 1000 പൊലീസുകാരെ കൂടുതലായി പമ്പ മുതല് പുല്ലുമേട് വരെയുള്ള പ്രദേശത്ത് വിന്യസിച്ചു. നാല് എസ്പിമാര്. 19 ഡിവൈഎസ്പിമാര്, 15 ഇന്സ്പെക്ടര്മാര് എന്നിവരെയടക്കമാണ് നിയോഗിച്ചിരിക്കുന്നത്. പൊലീസ് ഡ്രോണ് നിരീക്ഷണവും ഏര്പ്പെടുത്തിയിട്ടുണ്ട്.
മകരവിളക്ക് ഉത്സവം സുഗമമായി നടത്തുന്നതിന് വേണ്ട ക്രമീകരണങ്ങളെല്ലാം പോലീസ് ഒരുക്കിയിട്ടുണ്ട്. അതായത് മകരവിളക്ക് കഴിഞ്ഞിറങ്ങുന്ന ഭക്തര്ക്കായി കൃത്യമായ എക്സിറ്റ് പ്ലാനാണ് ഒരുക്കിയിരിക്കുന്നത്. മകരവിളക്ക് ദര്ശനത്തിനായി ഭക്തര് ഒത്തുകൂടുന്ന ഇടങ്ങളില് എല്ലാം വെളിച്ചം ഉള്പ്പെടെയുള്ള ക്രമീകരണങ്ങള് സജ്ജീകരിച്ചിട്ടുണ്ട്.
പ്രതികരിക്കാൻ ഇവിടെ എഴുതുക