തിരുവനന്തപുരം: ഹൗസ് ബോട്ടുകള്ക്ക് ആവശ്യമായ വ്യവസ്ഥകള് പാലിച്ച് രജിസ്ട്രേഷന് നല്കാവുന്നതാണെന്ന് മുഖ്യമന്ത്രി പിണറായി വിജയന്. ആലപ്പുഴ ടൂറിസം മേഖലയിലെ പ്രശ്നങ്ങളുമായി ബന്ധപ്പെട്ട യോഗത്തില് സംസാരിക്കുകയായിരുന്നു അദ്ദേഹം.
ബോട്ടുകള്ക്ക് ക്ലാസിഫിക്കേഷന് ഏര്പ്പെടുത്തണമെന്നും മുഖ്യമന്ത്രി പറഞ്ഞു. അനധികൃതമായി ഹൗസ് ബോട്ടുകള് സര്വ്വീസ് നടത്താന് അനുവദിക്കരുത്. നിലവില് സര്വ്വീസ് നടത്തുന്നവ ക്രമവല്ക്കരിക്കണം. ഹൗസ് ബോട്ടുകളിലെ മാലിന്യം തള്ളലുമായി ബന്ധപ്പെട്ട പ്രശ്നങ്ങള്ക്ക് പരിഹാരമായിട്ടുണ്ട്.
ടൂറിസ്റ്റുകള്ക്ക് ഒരു തരത്തിലുള്ള വിഷമവും ഉണ്ടാക്കരുതെന്നും മുഖ്യമന്ത്രി പറഞ്ഞു. നല്ല വേഷവും മാന്യമായ പെരുമാറ്റവും ഉറപ്പാക്കണം. ഹൗസ് ബോട്ട് ജീവനക്കാര്ക്ക് യൂണിഫോം ഏര്പ്പെടുത്താവുന്നതാണ്.
ആവശ്യമായ പരിശീലനവും നല്കണം. കായലില് അടിഞ്ഞുകൂടുന്ന പോള ശാസ്ത്രീയമായി നീക്കാന് നടപടിയെടുക്കണം. കായല് ഡ്രഡ്ജിങ്ങുമായി ബന്ധപ്പെട്ട വിഷയം ജലസേചന വകുപ്പുമായി ചേര്ന്ന് തീരുമാനിക്കാമെന്നും മുഖ്യമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക