തിരുവനന്തപുരം: പതിനഞ്ചാം കേരള നിയമസഭയുടെ പത്താം സമ്മേളനം 2024 ജനുവരി 25-ാം തീയതി തുടങ്ങും. ഗവര്ണ്ണറുടെ നയപ്രഖ്യാപനത്തോടെയാണ് പത്താം സമ്മേളനം ആരംഭിക്കുക. 2024-25 സാമ്പത്തിക വര്ഷത്തെ ബജറ്റ് പാസാക്കുന്നതിനായി ചേരുന്ന ഈ സമ്മേളനം ജനുവരി 25 മുതല് മാര്ച്ച് 27 വരെയുള്ള കാലയളവില് ആകെ 32 ദിവസം ചേരും. ജനുവരി 29, 30, 31 തീയതികള് ഗവര്ണ്ണറുടെ പ്രസംഗത്തിന് നന്ദി രേഖപ്പെടുത്തുന്ന പ്രമേയത്തിന്മേലുള്ള ചര്ച്ചക്കായി മാറ്റിയിരുന്നു. 2024-25 സാമ്പത്തിക വര്ഷത്തേക്കുള്ള ബജറ്റ് ഫെബ്രുവരി 5-ാം തീയതി അവതരിപ്പിക്കും
ഫെബ്രുവരി 6 മുതല് 11 വരെയുള്ള തീയതികളില് സഭ ഉണ്ടാകില്ല. തുടര്ന്ന് ഫെബ്രുവരി 12 മുതല് 14 വരെയുള്ള തീയതികളില് ബജറ്റിന്മേലുള്ള പൊതുചര്ച്ച ഉണ്ടാകും. ഫെബ്രുവരി 26 മുതല് മാര്ച്ച് 20 വരെയുള്ള കാലയളവില് 13 ദിവസം, ഈ സാമ്പത്തിക വര്ഷത്തെ ധനാഭ്യര്ത്ഥനകള് വിശദമായി ചര്ച്ച ചെയ്ത് പാസ്സാക്കുന്നതിനായും നീക്കിവച്ചിട്ടുണ്ടെന്ന് സ്പീക്കര് എ എന് ഷംസീര് വ്യക്തമാക്കി.
പ്രതികരിക്കാൻ ഇവിടെ എഴുതുക