അമിതമായ ബിയര് ഉപയോഗം പ്രമേഹത്തെ വിളിച്ചുവരുത്തുമെന്ന് പുതിയ ഗവേഷണങ്ങള് സൂചിപ്പിക്കുന്നത്. രാജ്യത്തെ മാത്രമല്ല, കേരളത്തിലെ പ്രമേഹരോഗികളുടെ എണ്ണത്തില് വരും വര്ഷങ്ങളില് കൂടുമെന്ന പഠനത്തിനു പിന്നാലെയാണ് അതില് ബിയറിന്റ സ്വാധീനം നിര്ണായകമാണെന്ന് റിപ്പോര്ട്ടിൽ വ്യക്തമാക്കുന്നത്.
പലരും ലഹരികിട്ടാന് അമിതമായ അളവില് ബിയര് അകത്താക്കാൻ തുടങ്ങിയതും ബിയറിന്റെ ഉപയോഗം കൗമാരക്കാരില് വ്യാപകമാകാന് വർധിച്ചതും അമിതവണ്ണം മുതല് പ്രമേഹം വരെയുള്ള വിവിധ ആരോഗ്യ പ്രശ്നങ്ങളുടെ സാധ്യത വര്ധിപ്പിക്കുന്നുണ്ട്. അമിതമായ ബിയര് ഉപയോഗം ഇന്സുലിനോടുള്ള ശരീരത്തിന്റെ പ്രതികരണശേഷി (സെന്സിറ്റിവിറ്റി) കുറയ്ക്കുന്നത് പ്രമേഹം വളരെ നേരത്തെ വരുത്താന് കാരണമാകുമെന്ന് വിദഗ്ധര് വ്യക്തമാക്കുന്നു.
ഇത് കൂടാതെ, പാന്ക്രിയാസിനെ തകരാറിലാക്കുന്ന പാന്ക്രിയാറ്റൈറ്റിസിനും ബിയറിന്റെ അളവില്ലാത്ത ഉപയോഗവും മദ്യപാനവും കാരണമാകും. മറ്റു മദ്യങ്ങളെ അപേക്ഷിച്ച് ബിയറിൽ കാലറിയുടെ അളവ് വളരെ കൂടുതലാണ്. ഈ ഉയര്ന്ന ഊര്ജം അമിതവണ്ണത്തിനും അതുമൂലം പ്രമേഹത്തിനും കാരണമാകുമെന്നും പഠനം ചൂണ്ടക്കാട്ടുന്നു.
പ്രതികരിക്കാൻ ഇവിടെ എഴുതുക