തൃശൂർ: തൃശൂർ വെളപ്പായയിൽ ട്രെയിനിൽ നിന്ന് ടിടിഇയെ തള്ളിയിട്ട് കൊലപ്പെടുത്തിയ കേസിൽ പ്രതിയായ അദിതിത്തൊഴിലാളിക്കെതിരെ കൊലക്കുറ്റം ചുമത്തി. എറണാകുളം സ്വദേശിയായ ടിടിഇ വിനോദിനെ കൊല്ലണമെന്ന ഉദ്ദേശത്തോടെയാണ് ഒഡിഷ സ്വദേശിയായ പ്രതി രജനീകാന്ത തള്ളിയിട്ടതെന്ന് എഫ്ഐആറിൽ വ്യക്തമായ്ക്കുന്നു.
ടിക്കറ്റ് ചോദിച്ചതുമായി ബന്ധപ്പെട്ട തർക്കമാണ് കൊലപാതകത്തിലേക്ക് നയിച്ചത്. എറണാകുളം-പട്ന എക്സ്പ്രസിലെ എസ്11 കോച്ചില്വെച്ചാണ് സംഭവമുണ്ടായത്. എറണാകുളം സ്വദേശിയായ വിനോദ് ഈറോഡ് വരെയുള്ള ഡ്യൂട്ടിയിലാണ് കയറിയിരുന്നത്.
ടിക്കറ്റില്ലാതെ യാത്ര ചെയ്തിരുന്ന ഇതര സംസ്ഥാനക്കാരായ തൊഴിലാളികളോട് ഫൈന് അടയ്ക്കാന് വിനോദ് ആവശ്യപ്പെട്ടിരുന്നു. ഇതിനെത്തുടർന്നാണ് തര്ക്കമുണ്ടായത്. തൃശ്ശൂര് സ്റ്റേഷന് പിന്നിട്ട് വെളപ്പായക്ക് സമീപത്ത് വെച്ച് പ്രതി വിനോദിനെ ട്രെയിനില്നിന്ന് പുറത്തേക്ക് തള്ളിയിടുകയായിരുന്നു.
കൊല്ലപ്പെട്ട വിനോദ് ഡീസല് ലോക്കോ ഷെഡിലെ ടെക്നീഷ്യനായിരുന്നു. ശാരീരിക ബുദ്ധിമുട്ടുകളെ തുടര്ന്ന് രണ്ടു കൊല്ലം മുമ്പാണ് ഇദ്ദേഹം ടിടിഇ കേഡറിലേക്ക് മാറിയത്. പുലിമുരുകന്, ഗ്യാങ്സ്റ്റര്, വിക്രമാദിത്യന്, ജോസഫ് തുടങ്ങി പതിനാലിലധികം സിനിമകളില് വിനോദ് ചെറിയ വേഷങ്ങൾ ചെയ്തിരുന്നു. മമ്മൂട്ടി നായകനായെത്തിയ ഗ്യാങ്സ്റ്റര് ആയിരുന്നു വിനോദിന്റെ ആദ്യ ചിത്രം. എറണാകുളം മഞ്ഞുമ്മല് സ്വദേശിയാണ് കൊല്ലപ്പെട്ട വിനോദ്.
പ്രതികരിക്കാൻ ഇവിടെ എഴുതുക