ഡിഡി ന്യൂസിന്റെ ലോഗോ കാവിയാക്കി മാറ്റി ദൂരദര്ശന്. ചാനലിന്റെ പുതിയ സ്റ്റുഡിയോ ലോഞ്ചിനൊപ്പമാണ് ചാനലിന്റെ ലോഗോയുടെ കളർ കാവിയാക്കി മാറ്റിയത്. ഡിസൈനില് ലോഗോയുടെയും അക്ഷരങ്ങളുടേയും നിറമാണ് കാവി ആക്കി പരിഷ്കരിച്ചത്. നേരത്തെ മഞ്ഞ- നീല നിറത്തിൽ ആയിരുന്നു ലോഗോ.
ലോഗോ മാറ്റത്തിൽ വിശദീകരണവുമായി ദൂർദർശൻ രംഗത്തെത്തി. ലോഗോയില് മാത്രമാണ് ദൂരദര്ശന് മാറ്റം വരുത്തിയിട്ടുള്ളതെന്നും തങ്ങളുടെ മൂല്യങ്ങള് പഴയപടി തുടരുമെന്നും ഡിഡി ന്യൂസിന്റെ ഔദ്യോഗിക എക്സ് അക്കൗണ്ടില് പറയുന്നു.
‘ഞങ്ങളുടെ മൂല്യങ്ങൾ അതേപടി നിലനിൽക്കുമ്പോൾ, ഞങ്ങൾ ഇപ്പോൾ ഒരു പുതിയ രൂപത്തില് ലഭ്യമാണ്. മുമ്പെങ്ങുമില്ലാത്തവിധം ഒരു വാർത്താ യാത്രയ്ക്ക് തയ്യാറാകൂ.. ഏറ്റവും പുതിയ ഡിഡി വാർത്തകൾ അനുഭവിക്കൂ!’ എന്ന കുറിപ്പിനൊപ്പമാണ് പുതിയ നിറത്തിലുള്ള ലോഗോ പുറത്തുവിട്ടത്.
ലോഗോയ്ക്കൊപ്പം ചാനലിന്റെ സ്ക്രീനിലും കാവി കൊണ്ടുവന്നിട്ടുണ്ട്. രൂക്ഷ വിമർശനമാണ് സോഷ്യൽ മീഡിയയിൽ ദൂരദർശന്റെ ലോഗോ മാറ്റത്തിന് എതിരെ എത്തുന്നത്.
അതേസമയം, ലോഗോ മാറ്റത്തിനെതിരെ സോഷ്യല്മീഡിയയില് വിമര്ശനങ്ങളും ഉയർന്നിട്ടുണ്ട്.സമ്പൂര്ണ കാവിവൽകരണത്തിന്റെ ഭാഗമായിട്ടാണ് ദൂരദർശന്റെ കാവി ലോഗോ എന്നാണ് ഉയരുന്ന വിമർശനം. നേരത്തെ കേരള സ്റ്റോറി എന്ന സിനിമ ദൂരദര്ശനില് പ്രദര്ശിപ്പിക്കാനുള്ള തീരുമാനവും വിമര്ശനങ്ങള് ഏറ്റുവാങ്ങിയിരുന്നു.
സംഘപരിവാര് സംഘടനകളുടെ അജണ്ട നടപ്പാക്കാനുള്ള നീക്കമാണ് ദൂരദര്ശനിലൂടെയുള്ള ദ കേരള സ്റ്റോറി പ്രദര്ശനത്തിലൂടെ ചെയ്യുന്നത് എന്ന് വിവിധ രാഷ്ട്രീയ പാര്ട്ടികള് ആരോപിച്ചിരുന്നു.
പ്രതികരിക്കാൻ ഇവിടെ എഴുതുക