നല്ല ഭംഗിയുള്ള ഷേപ്പ് ഉള്ള മനോഹരമായ പുരികക്കൊടികൾ ആരെയാണ് ആകർഷിക്കാത്തത്. മുഖത്തിന്റെ ആകർഷണത്തിന് പ്രധാന പങ്ക് വഹിക്കുന്ന ഒന്നാണ് പുരികങ്ങൾ. എന്നാൽ പുരികം കൊഴിയുന്നതും ഇല്ലാതാകുന്നതും പലരേയും ബുദ്ധിമുട്ടിക്കുന്ന പ്രശ്നമാണ്. പുരികം കൊഴിഞ്ഞ് പോവുന്നതിന് പിന്നിൽ പല വിധത്തിലുള്ള കാരണങ്ങള് ഉണ്ട്. ആരോഗ്യപരമായും സൗന്ദര്യപരമായും നമ്മള് ചെയ്യുന്ന പല തെറ്റായ കാര്യങ്ങളും ഇത്തരത്തില് പ്രശ്നങ്ങള് വരുത്തിവെക്കുന്ന. നമ്മള് ചെയ്യുന്ന ചില അശ്രദ്ധകളാണ് പലപ്പോഴും നമ്മുടെ പുരികം കൊഴിഞ്ഞ് പോവുന്നതിന് കാരണമാകുന്നു.
പുരികം ഷേപ്പ് ആക്കുന്നതിന് നമ്മള് പല വിധത്തില് ശ്രമിക്കാറുണ്ട്. എന്നാല്, ഇത്തരത്തില് ചെയ്യുന്നത് പുരികം പെട്ടെന്ന് കൊഴിയുന്നതിലേക്ക് നയിക്കുന്നു. പുരികം പറിക്കുമ്പോള് പലപ്പോഴും സംഭവിക്കുന്നത് അത് ഫോളിക്കിളുകളെ നശിക്കുകയാണ്. വീണ്ടും ഇത് ആവർത്തിക്കുമ്പോൾ അത് കൂടുതല് ഫോളിക്കിളുകള്ക്ക് അനാരോഗ്യം നല്കുന്നു. പുതിയ പുരികം ഉണ്ടാവുന്നതിന് ഇത് പലപ്പോഴും തടസ്സം സൃഷ്ടിക്കുന്നു.
തൈറോയ്ഡ് സംബന്ധമായ പ്രശ്നങ്ങള് ഉള്ളവര്ക്കും ഇങ്ങനെ പുരികം കൊഴിഞ്ഞ് പോവുന്നത് ആദ്യ ലക്ഷണങ്ങളാണ്. പലപ്പോഴും ഹോര്മോണ് പ്രശ്നങ്ങളും മറ്റ് ആരോഗ്യ പ്രശ്നങ്ങളും കാരണം പല വിധത്തില് ഇത്തരം പ്രതിസന്ധികളും നേരിടേണ്ടതായി വരും. മാനസിക സമ്മര്ദ്ദം ഉള്ളവരിലും മിക്കപ്പോഴും പുരികത്തിലെ രോമം കൊഴിയുന്നതിനും കാരണമാകുന്നു.
പുരികത്തിന്റെ വളര്ച്ചയെ സഹായിക്കുന്ന ഒന്നാണ് മുട്ട കഴിക്കുന്നത്. ഇതിലെ ബയോട്ടിന്, വിറ്റാമിന് ബി എന്നിവ പുരികം കൊഴിയുന്നത് തടഞ്ഞ് നിർത്തും. മുട്ടയുടെ വെള്ള പുരികത്തില് പുരട്ടുന്നതും പുരികത്തിനെ വളരാന് നല്ലതാണ്. മുട്ടയുടെ വെള്ളയില് പഞ്ഞി മുക്കി 20 മിനിട്ടോളം പുരികത്തിന് മുകളിലായി നന്നായി മസാജ് ചെയ്യുക. രണ്ടോ മൂന്നോ തുള്ളി ആവണക്കെണ്ണ എടുത്ത് വിരലു കൊണ്ട് പുരികത്തില് തടവുക. അരമണിക്കൂറിനു ശേഷം കഴുകിക്കളയാവുന്നതാണ്. പുരികം വളരാനും നല്ല ആരോഗ്യമുള്ള രോമങ്ങളാക്കി മാറ്റുന്നതിനും വെളിച്ചെണ്ണ സഹായിക്കുന്നു.
പ്രതികരിക്കാൻ ഇവിടെ എഴുതുക