ഇടുക്കി: ഇടുക്കി ഡാമില് ജലനിരപ്പ് 2394.90 അടിയായി ഉയര്ന്നു. ജലനിരപ്പ് 2395 അടിയിലെത്തിയാല് ഓറഞ്ച് അലര്ട്ട് പ്രഖ്യാപിക്കും. ജലനിരപ്പ് 2397 അടിയിലെത്തിയാല് 24 മണിക്കൂറിനകം തുറന്നുവിടാന് വൈദ്യുതി വകുപ്പ് തീരുമാനിച്ചു.
ഡാം തുറക്കുന്നതിന്റെ ട്രയല് റണ് ചൊവ്വാഴ്ച നടക്കും. ഡാമിന്റെ ഷട്ടറുകള് 40 സെന്റീമിറ്റര് ഉയര്ത്തിയാണ് ട്രയല് റണ്. പരീക്ഷണ തുറക്കലില് ഏതൊക്കെ മേഖലകളിലേക്ക് വെള്ളം എത്താനുള്ള സാധ്യതകളുണ്ടെന്ന് പരിശോധിക്കും. അതിന്റെ അടിസ്ഥാനത്തില് കൂടുതല് സുരക്ഷാക്രമീകരണങ്ങള് സ്വീകരിക്കും.
ഡാം തുറക്കേണ്ട സാഹചര്യമുണ്ടായാല് സ്വീകരിക്കേണ്ട മുന്നൊരുക്കങ്ങളെ സംബന്ധിച്ച് ഇടുക്കി താലൂക്ക് ഓഫീസില് ഉദ്യോഗസ്ഥരുടെയും ജനപ്രതിനിധികളുടെയും യോഗം ചേര്ന്നു. മുന്നൊരുക്കമായി സമീപത്തെ 12 പഞ്ചായത്തുകളിലെ 12 സ്കൂളുകളില് ദുരിതാശ്വാസ ക്യാമ്പ് തുറന്നു.
പ്രതികരിക്കാൻ ഇവിടെ എഴുതുക