വീട്ടമ്മമാരാരുടെ പ്രിയപ്പെട്ട സീരിയലായ പരസ്പരം ഈയിടെ അവസാനിച്ചിരുന്നു. സീരിയലിന്റെ ക്ലൈമാക്സിൽ ഉപയോഗിച്ച ലിക്വിഡ് ബോംബ് ആശയം വൻ ട്രോളുകൾക്കാണ് വഴിയൊരുക്കിയത്. സീരിയലിൽ മുഖ്യകഥാപാത്രങ്ങളെ അവതരിപ്പിച്ച ഗായത്രി അരുൺ, വിവേക് ഗോപൻ എന്നിവരെ പരിഹസിക്കുന്ന തരത്തിലുള്ളവയായിരുന്നു മിക്ക ട്രോളുകളും. ഇപ്പോഴിതാ ഒരു പ്രമുഖ വാരികയ്ക്ക് നൽകിയ അഭിമുഖത്തിൽ ട്രോളുകൾ തന്നെ വിഷമിപ്പിച്ചെന്ന് തുറന്നു പറഞ്ഞിരിക്കുകയാണ് ഗായത്രി അരുൺ.
“ചില പരിഹാസങ്ങള് കാണുമ്ബോള് സങ്കടം തോന്നാറുണ്ട്. ഈ സീരിയലിലെ ചില സീനുകളില് പിറകില് സ്റ്റിക്കര് ഒട്ടിച്ചാണ് ഓരോ സ്ഥലങ്ങളും മറ്റും കാണിക്കുന്നതെന്ന് പറഞ്ഞ് പരിഹസിച്ചിരുന്നു. ഇതിന്റെ ടെക്നിക്കാലിറ്റിയെ പറ്റി ഒന്നും അറിയാത്ത ആള്ക്കാര് ആണ് ഇത് പ്രചരിപ്പിക്കുന്നത്. ഞാന് സ്ക്രിപ്റ്റ് എഴുതി അഭിനയിച്ചത് പോലെ ആണ് ചില ട്രോളുകള് വരുന്നത്. ശരിക്കും അതിനകത്ത് എന്റെ കണ്സെപ്റ്റ് ഒന്നും തന്നെ ഇല്ല. ഞാന് അഭിനയിക്കുന്നേയുള്ളൂ. അതിലെ ഗ്രാഫിക് സീക്വന്സ് എല്ലാം ഗ്രീന് മാറ്റില് ചെയ്യുന്നതാണ്. ഈ ഗ്രീന് മാറ്റ് എന്താണെന്നോ അതെങ്ങനെ ഗ്രാഫിക്സ് ചെയ്യുന്നു എന്നോ അറിയാത്ത ആളുകളാണ് ഇതിനെ ട്രോള് ആയിട്ട് ഇറക്കുന്നത്.
പുറകില് കര്ട്ടന് വച്ച് ചെയ്യുന്നതാണെന്ന് പറഞ്ഞ് പരത്തുന്നത്. പിന്നെ സീരിയലിന് അതിന്റേതായ ലിമിറ്റേഷന്സ് ഉണ്ട്. ബാഹുബലി സിനിമയില് ഗ്രീന് മാറ്റ് ചെയ്ത പോലെ ഒരിക്കലും പരസ്പരം സീരിയലില് ചെയ്യാന് പറ്റില്ല. കോടികളുടെ വ്യത്യാസമാണ് രണ്ടും തമ്മില് ഉള്ളത്. ഒരു ദിവസം രണ്ട് എപ്പിസോഡുകളാണ് ഷൂട്ട് ചെയ്യേണ്ടത്. സമയത്തിന്റെ, ടെക്നിക്കല് ഫിനിഷിന്റെ, ഫണ്ടിന്റെ ഒക്കെ ലിമിറ്റേഷന്സ് ഉണ്ട്. അപ്പോൾ ഒരിക്കലും ഇത്രയധികം പെര്ഫക്ഷന് ഒരു മെഗാ സീരിയലില് പ്രതീക്ഷിക്കരുത്” ; ഗായത്രി പറഞ്ഞു.
പിറന്നാളും ബേബി ഷവറും ഒരുമിച്ച്; കാവ്യാമാധവന്റെ ബേബി ഷവർ ചിത്രങ്ങൾ കാണാം
പ്രതികരിക്കാൻ ഇവിടെ എഴുതുക