എറണാകുളം മഹാരാജാസ് കോളേജിലെ എസ്എഫ്ഐ നേതാവ് അഭിമന്യുവിനെ കൊലപ്പെടുത്തിയ കേസില് പൊലീസ് കുറ്റപത്രം സമര്പ്പിച്ചു. 85 ദിവസങ്ങള്ക്ക് ശേഷമാണ് കേസില് കുറ്റപത്രം സമര്പ്പിക്കുന്നത്. ആയിരത്തിലധികം പേജുള്ള കുറ്റപത്രത്തിൽ 16 പ്രതികളാണ് ഉള്ളത്.
മഹാരാജാസ് കോളേജ് വിദ്യാര്ത്ഥിയും കോളേജിലെ കാംപസ് ഫ്രണ്ട് യൂണിറ്റ് സെക്രട്ടറിയുമായ ജെ ഐ മുഹമ്മദാണ് കേസിലെ ഒന്നാം പ്രതി. കാംപസ് ഫ്രണ്ട് ജില്ലാ പ്രസിഡന്റ് ആരിഫ് ബിന് സലിഹാണ് രണ്ടാം പ്രതി. അസി. കമ്മീഷണര് സുരേഷ്കുമാറാണ് കോടതിയില് കുറ്റപത്രം നല്കിയത്.
മഹാരാജാസിലെ ചുമരെഴുത്തുമായി ബന്ധപ്പെട്ട് കാംപസ് ഫ്രണ്ടുമായുള്ള സംഘര്ഷത്തെ തുടര്ന്ന് ജൂലായ് രണ്ടിനാണ് എസ്എഫ്ഐ നേതാവ് അഭിമന്യു കുത്തേറ്റ് മരിക്കുന്നത്.
കൊലപാതകം, കൊലപാതക ശ്രമം, അന്യായമായി സംഘം ചേരല്, ആയുധം ഉപയോഗിക്കല് തുടങ്ങിയ വകുപ്പുകളാണ് പ്രതികള്ക്കെതിരെ ചുമത്തിയിട്ടുള്ളത്. കേസുമായി ബന്ധപ്പെട്ട് 19 പേരാണ് അറസ്റ്റിലായിട്ടുള്ളത്. കേസിൽ ഏഴുപേർ ഒളിവിലാണ്. ഇവര്ക്കായി ലുക്കൗട്ട് നോട്ടീസ് പുറപ്പെടുവിച്ചിട്ടുണ്ട്.
പ്രതികരിക്കാൻ ഇവിടെ എഴുതുക