ഇരുപതിനാലാമത് ദുബായ് ഷോപ്പിംഗ് ഫെസ്റ്റിവലിന് തുടക്കമായി. ഫെബ്രുവരി രണ്ട് വരെ നീണ്ടുനില്ക്കുന്ന ഷോപ്പിങ് ഫെസ്റ്റിവലില് 700 ബ്രാന്റുകളും 3200 വ്യാപാര സ്ഥാപനങ്ങളുമാണ് പങ്കെടുക്കുക. വിവിധ വിഭാഗങ്ങളില് 90 ശതമാനം വരെ വിലക്കുറവാണ് ഷോപ്പിങ് ഫെസ്റ്റിവലിന്റെ ഭാഗമായി ലഭിക്കും. 90 ശതമാനം വരെ വിലക്കുറവ് ലഭിക്കുന്ന 12 മണിക്കൂര് സൂപ്പര് സെയിലോടുകൂടി ഉച്ചക്ക് 12 മണിയോടെയാണ് ദുബായ് ഷോപ്പിങ് ഫെസ്റ്റിവലിന് തുടക്കമായത്.
ദുബായ് ഗോള്ഡ് ആന്റ് ജ്വല്ലറി ഗ്രൂപ്പ് ഒരുക്കുന്ന അഞ്ച് ആഴ്ച നീളുന്ന ഷോപ്പിങ് മേളയും ഇന്ന് മുതല് ആരംഭിച്ചു. 32 കിലോഗ്രാം സ്വര്ണ്ണം, ആഢംബര കാറുകള്, സ്മാര്ട്ട് ടിവികള് എന്നിങ്ങനെ നിരവധി സമ്മാനങ്ങളാണ് ഇതിലൂടെ ഉപഭോക്താക്കള്ക്ക് ലഭിക്കുന്നത്. 300ലധികം ഔട്ട്ലെറ്റുകളില് നിന്ന് 500 ദിര്ഹത്തിലധികം തുകയ്ക്ക് സ്വര്ണ്ണം വാങ്ങുന്നവര്ക്കാണ് സമ്മാനങ്ങള്.
ഇതിന് പുറമെ നാളെ എല്ലാ വ്യാഴം, വെള്ളി, ശനി ദിവസങ്ങളിലും പ്രത്യേക ഓഫറുകളും ലഭിക്കും. വാരാന്ത്യങ്ങളില് രാവിലെ 10 മണിക്ക് ആരംഭിക്കുന്ന വ്യാപാരം സ്റ്റോക്ക് തീരുന്നത് വരെ തുടരും.ദിവസവുമുള്ള നറുക്കെടുപ്പുകള്ക്ക് പുറമെ ഒട്ടനവധി സമ്മാനങ്ങളും ഷോപ്പിങ് പ്രേമികളെ കാത്തിരിക്കുന്നു.
പ്രതികരിക്കാൻ ഇവിടെ എഴുതുക