തിരുവനന്തപുരം: ശബരിമലയില് ആചാര ലംഘനം നടന്നുവെന്നാരോപിച്ച് അന്താരാഷ്ട്ര ഹിന്ദു പരിഷത്ത് നാളെ ഹര്ത്താലിന് ആഹ്വാനം ചെയ്തു. നാളെ ജനകീയ ഹര്ത്താല് നടത്താനാണ് ആഹ്വാനം.
ഇന്ന് പുലര്ച്ചയോടെയാണ് കനകദുര്ഗ്ഗയും ബിന്ദുവും ശബരിമലയില് ദര്ശനം നടത്തിയത്. പൊലീസ് സംരക്ഷണയിലായിരുന്നു ദര്ശനം. അതേസമയം സന്നിധാനത്ത് ബിന്ദുവും കനകദുര്ഗയും ദര്ശനം നടത്തിയെന്ന് സ്ഥിരീകരിച്ചതിനെ തുടര്ന്ന് ശുദ്ധിക്രിയയ്ക്ക് വേണ്ടി അടച്ച നട പൂജകള്ക്ക് ശേഷം തുറന്നു.
പഞ്ച പുണ്യാഹം, ബിംബ ശുദ്ധിക്രിയ, പ്രസാദശുദ്ധി, പ്രായശ്ചിത്തഹോമം, കലശം, വിളിച്ചു ചൊല്ലി പ്രായശ്ചിത്തം എന്നിവയ്ക്ക് ശേഷമാണ് നട തുറന്നത്. ഏകദേശം ഒരു മണിക്കൂര് നീണ്ട ശുദ്ധിക്രിയകള് പൂര്ത്തിയായതിന് ശേഷമാണ് വീണ്ടും നട തുറന്നത്.
പ്രതികരിക്കാൻ ഇവിടെ എഴുതുക