തിരുവനന്തപുരം: ശബരിമലയില് യുവതികള് പ്രവേശിച്ച സംഭവത്തില് കടുത്ത പ്രതിഷേധവുമായി ബി.ജെ.പി-ആര്.എസ്.എസ് പ്രവര്ത്തകര്. തലസ്ഥാനത്ത് ബി.ജെ.പി സമരപന്തലിന് സമീപം തടിച്ചുകൂടിയ ബി.ജെ.പി പ്രവര്ത്തകര് സെക്രട്ടറിയേറ്റിലേക്ക് തള്ളിക്കയാരാണ് ശ്രമിച്ചു. ഇവരെ പൊലീസ് തടഞ്ഞു. ഇവര് റോഡില് കുത്തിയിരുന്ന് പ്രതിഷേധിക്കുകയാണ്.
പ്രതിഷേധ പ്രകടനം നടത്തിയവര് വരുന്ന വഴിയില് വനിതാ മതിലിനായി വച്ചിരുന്ന ബാനറുകളും മറ്റ് തോരണങ്ങളും നശിപ്പിച്ചു. വാര്ത്ത പകര്ത്താന് ശ്രമിച്ച മാധ്യമപ്രവര്ത്തകര്ക്ക് നേരെയും ആക്രമണമുണ്ടായി.
കൊല്ലത്തും തിരുവനന്തപുരത്തും മാധ്യമപ്രവര്ത്തകര്ക്ക് മര്ദനമേറ്റു. കൊട്ടാരക്കര, അമ്പലപ്പുഴ ക്ഷേത്രങ്ങളിലെ ദേവസ്വം ഓഫീസുകള് അടപ്പിച്ചു. കൊച്ചി കച്ചേരിപ്പടിയില് പ്രതിഷേധക്കാര് റോഡ് ഉപരോധം തുടരുകയാണ്. മാവേലിക്കര താലൂക്ക് ഓഫീസില് പ്രതിഷേധക്കാര് കസേരകള് തകര്ത്തു.
നെയ്യാറ്റിന്ക്കരയില് ആലുംമുട്ടില് റോഡ് ഉപരോധം നടക്കുകയാണ്. കര്മസമിതി പ്രവര്ത്തകരും ബിജെപി പ്രവര്ത്തകരുമാണ് റോഡ് ഉപരോധിക്കുന്നത്. കൊച്ചി കലൂരിലും പ്രതിഷേധപ്രകടനം നടക്കുകയാണ്. കലൂര് മുതല് കച്ചേരിപ്പടി വരെയാണ് പ്രതിഷേധ പ്രകടനം. കോഴഞ്ചേരി, മുല്ലപ്പള്ളി എന്നിവിടങ്ങളിലും ബിജെപി പ്രവര്ത്തകര് റോഡ് ഉപരോധിക്കുകയാണ്.
കൊല്ലം പരവൂരില് ബിജെപി പ്രവര്ത്തകര് നിര്ബിന്ധിച്ച് കടകള് അടപ്പിച്ച് ഹര്ത്താലിന് ആഹ്വാനം ചെയ്തതായി റിപ്പോര്ട്ടുകളുണ്ട്.
പ്രതികരിക്കാൻ ഇവിടെ എഴുതുക