തൊടുപുഴ: അമ്മയുടെ സുഹൃത്തില് നിന്നും ക്രൂര മര്ദനമേറ്റ് ചികിത്സയില് കഴിഞ്ഞിരുന്ന ഏഴ് വയസുകാരന് മരിച്ചു. എട്ട് ദിവസമായി കോലഞ്ചേരി മെഡിക്കല് കോളേജ് ആശുപത്രിയിലെ വെന്റിലേറ്ററില് ചികിത്സയിലായിരുന്നു കുട്ടി.
മാര്ച്ച് 28ന് പുലര്ച്ചെ വീട്ടില്വച്ചു ക്രൂരമായ മര്ദനത്തിന് ഇരയായ കുട്ടിയുടെ തലയോട്ടി നീളത്തില് പൊട്ടിയിരുന്നു. കുട്ടിയുടെ തലച്ചോറിന്റെ പ്രവര്ത്തനം നിലച്ചതായി ഡോക്ടര്മാര് നേരത്തെ അറിയിച്ചിരുന്നു. ഇതു വീണ്ടെടുക്കാനുള്ള ശ്രമങ്ങള് വിഫലമായി.
വെന്റിലേറ്ററില് തുടരുകയായിരുന്നെങ്കിലും ഇന്നു രാവിലെ ഹൃദയമിടിപ്പും നിലച്ചതായി ഡോക്ടര്മാര് പറഞ്ഞു. ചികിത്സയിലെ ഒരു ഘട്ടത്തിലും കുട്ടി മരുന്നുകളോടു പ്രതികരിച്ചിരുന്നില്ല.
ഏഴ് വയസുകാരന് നേരെ ലൈംഗീക അതിക്രമം നടന്നതായി പൊലീസ് നേരത്തെ വെളിപ്പെടുത്തിയിരുന്നു.
പ്രതികരിക്കാൻ ഇവിടെ എഴുതുക