കണ്ണൂരിൽ കള്ളവോട്ട് ചെയ്തവരെ വെറുതെവിടില്ലെന്നും വേണ്ടിവന്നാൽ സുപ്രീംകോടതി വരെ പോകുമെന്നും മുഖ്യ തിരഞ്ഞെടുപ്പ് ഓഫീസര് ടിക്കാറാം മീണ പറഞ്ഞു. സ്വകാര്യ ചാനലിൽ നല്കിയ അഭിമുഖത്തിലാണ് അദ്ദേഹം ഈ കാര്യം വ്യക്തമാക്കിയത്.
കള്ളവോട്ട് നടന്നെന്ന് വസ്തുതാപരമായി പഠിച്ചാണ് കണ്ടെത്തിയത്. കണ്ണൂര് ജില്ലാ കളക്ടറുടെ റിപ്പോര്ട്ട് പരിശോധിച്ചാണ് നടപടിക്ക് ശുപാര്ശ ചെയ്തത്. പക്ഷപാതമില്ലാതെയാണ് താന് എന്നും പ്രവര്ത്തിച്ചിട്ടുള്ളതെന്നും കോടിയേരിയുടെ ആരോപണങ്ങള്ക്ക് മറുപടിയായി മീണ പറഞ്ഞിരുന്നു.
‘ഞാനൊരു പാര്ട്ടിക്കും വേണ്ടി പ്രവര്ത്തിക്കുന്നയാളല്ല. എല്.ഡി.എഫ് നേതാക്കള്ക്ക് അതു നന്നായറിയാം. ഞാന് തെരഞ്ഞെടുപ്പ് കമ്മീഷന്റെ കീഴില് പ്രവര്ത്തിക്കുന്ന ഉദ്യോഗസ്ഥനാണ്. അതുകൊണ്ടാണു നിഷ്പക്ഷമായി പ്രവര്ത്തിക്കുന്നത്. നിയമനടപടിയുണ്ടായാല് അതിനെ നേരിടും.’- സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന് ഉന്നയിച്ച ആരോപണങ്ങളെക്കുറിച്ചു ചോദിച്ചപ്പോഴായിരുന്നു അദ്ദേഹത്തിന്റെ വിശദീകരണം.
പ്രതികരിക്കാൻ ഇവിടെ എഴുതുക