കൂടത്തായി കേസില് അറസ്റ്റിലായ ജോളി മറ്റൊരു വീട്ടിലും കൊലപാതക ശ്രമം നടത്തിയിട്ടുള്ളതായി വെളിപ്പെടുത്തി എസ്.പി കെ.ജി സൈമണ്. പൊന്നാമറ്റം വീട്ടില് രണ്ടു കുട്ടികളെയാണ് ജോളി കൊല്ലാന് ശ്രമിച്ചതെന്ന് എസ്.പി അറിയിച്ചു.
കോഴിക്കോട് മുന് ഡെപ്യൂട്ടി തഹസില്ദാറായ ജയശ്രീ, തന്റെ ആദ്യ ഭര്ത്താവ് റോയിയുടെ സഹോദരി റെഞ്ചി തോമസ് എന്നിവരുടെ പെണ്മക്കളെയാണ് ജോളി കൊല്ലാന് ശ്രമിച്ചതെന്ന് പൊലീസ് വ്യക്തമാക്കി.
ജോളിയെ മുഴുവന് സമയവും നിരീക്ഷിക്കാന് കോഴിക്കോട് ജയിലില് പ്രത്യേക ഉദ്യോഗസ്ഥയെ നിരീക്ഷിച്ചിട്ടുണ്ട്. ജോളി മാനസിക അസ്വാസ്ഥ്യം പ്രകടിപ്പിച്ചതിനെത്തുടര്ന്നാണു നടപടി. നേരത്തേ അവരെ ജില്ലാ ആശുപത്രിയിലെത്തിച്ച് വൈദ്യപരിശോധനയും നടത്തിയിരുന്നു.
അതിനിടെ റോയിയുടെ മരണം പ്രത്യേക എഫ്.ഐ.ആറാക്കി അന്വേഷിക്കുമെന്നും എസ്.പി അറിയിച്ചു. റോയിയുടെ കേസിലാണു തെളിവുകള് ലഭ്യമായത് എന്നുള്ളതിനാലാണിത്. ഇതില് പ്രത്യേക ശ്രദ്ധ അനിവാര്യമാണെന്നും സൈമണ് പറഞ്ഞു.
ജോളിയുടെ ഭര്ത്താവ് ഷാജു തെറ്റ് ചെയ്തിട്ടുണ്ടെങ്കില് നടപടിയുണ്ടാകുമെന്നും അദ്ദേഹം വ്യക്തമാക്കി.
പ്രതികരിക്കാൻ ഇവിടെ എഴുതുക