പൊതു ഗതാഗതത്തിന് എറണാകുളം ജില്ലയിൽ നിർദ്ദേശങ്ങൾ കർശനമാക്കി ജില്ലാ ഭരണകൂടം. പൊതു ഗതാഗത സംവിധാനമുപയോഗിച്ച് യാത്ര ചെയ്യുമ്പോള് കോവിഡ് 19 പടരാതിരിക്കാനുള്ള നിര്ദേശങ്ങള് കര്ശനമായി പാലിക്കണമെന്ന് ജില്ല ദുരന്ത നിവാരണ അതോറിറ്റി ചെയര്മാന് കൂടിയായ കളക്ടര് ഉത്തരവിട്ടു.
പൊതു ഗതാഗത സംവിധാനത്തില് പ്രവര്ത്തിക്കുന്ന എല്ലാ ഡ്രൈവര്മാരും മാസ്ക് ധരിക്കണം. കണ്ടക്ടര്മാര് മാസ്ക്, ഫെയിസ് ഷീള്ഡ്, ഗ്ലൗസ് എന്നിവ ധരിക്കണം.
വാഹനങ്ങള് എല്ലാ ദിവസവും അണുവിമുക്തമാക്കണം.
വാഹനത്തിലെ സീറ്റിന് അനുപാതികമായ യാത്രക്കാരെ മാത്രം കയറ്റുക, നിന്നുള്ള യാത്ര അനുവദനീയമല്ല. യാത്രക്കാരെ ഒരു ഡോറില് കൂടി മാത്രം അകത്തേക്ക് പ്രവേശിപ്പിക്കുകയും രണ്ടാമത്തെ ഡോറിലൂടെ പുറത്തേക്കിറക്കേണ്ടതുമാണ്.
രഹന ഫാത്തിമയുടെ മുൻകൂർ ജാമ്യാപേക്ഷയെ എതിർത്ത് പൊലിസ്; പോക്സോ നിലനിൽക്കുമെന്ന് പ്രോസിക്യൂഷൻ
കെ.എസ്.ആര്.ടി.സി, പ്രൈവറ്റ് ബസ്, ഓട്ടോറിക്ഷ, പ്രൈവറ്റ് കാര് എന്നിവയില് ഡ്രൈവര്മാരെയും യാത്രക്കാരെയും വേര്തിരിക്കുന്ന മറ ഉണ്ടായിരിക്കണം. 15 ദിവസത്തിനുള്ളില് ഇത് വാഹനങ്ങളില് ഏര്പ്പെടുത്തണം.
ഈ നിബന്ധനകള് കെ.എസ്.ആര്.ടി.സി ബസുകളില് നടപ്പാക്കുന്നതിന് എല്ലാ ഡിപ്പോ മാനേജര്മാരെയും ദുരന്ത നിവാരണ നിമയ പ്രകാരം ചുമതലപ്പെടുത്തിയിട്ടുണ്ട്.പ്രൈവറ്റ് ബസ്, കാറുകള്, ഓട്ടോറിക്ഷകള് എന്നിവയില് നിബന്ധന പാലിക്കുന്നുണ്ടെന്ന് ഉറപ്പാക്കാന് റീജീയണല് ട്രാന്സ്പോര്ട്ട ഓഫീസര് കാക്കനാട്/ മൂവാറ്റുപുഴയെ ചുമതലപ്പെടുത്തിയിട്ടുണ്ട്.
നിബന്ധനകള് പാലിക്കാത്തവരുടെ ലൈസന്സ് റദ്ദാക്കുന്നതിനും സസ്പെന്ഡ് ചെയ്യുന്നതിനും പോലീസ്, ആര്.ടി.ഒ എന്നിവരെ ചുമതലപ്പെടുത്തി.
പ്രതികരിക്കാൻ ഇവിടെ എഴുതുക