സംസ്ഥാനത്ത് 757 വനിതകള് ഉള്പ്പെടെ 7592 പേരാണ് പൊലീസ് വൊളന്റിയര്മാരായി സേവനമനുഷ്ഠിക്കാന് രജിസ്റ്റര് ചെയ്തിരിക്കുന്നതെന്ന് മുഖ്യമന്ത്രി പിണറായി വിജയന്. ഏറ്റവും കൂടുതല് വൊളന്റിയര്മാര് രജിസ്റ്റര് ചെയ്തത് മലപ്പുറം ജില്ലയിലാണ്. 1030 പേരാണ് രജിസ്റ്റര് ചെയ്തത്. വിവിധ ജില്ലകളിലായി ശരാശരി 166 വനിതകള് ഉള്പ്പെടെ 2364 വെളണ്ടിയര്മാരാണ് നിലവില് പൊലീസുമായി ബന്ധപ്പെട്ടു പ്രവര്ത്തിക്കുന്നത്. ഇതിനുശേഷം വൊളന്റിയര്മാര്ക്ക് സര്ട്ടിഫിക്കറ്റ് നല്കുമെന്നും മുഖ്യമന്ത്രി പറഞ്ഞു. കൊവിഡ് 19 അവലോകന യോഗത്തിന് ശേഷം മാധ്യമങ്ങളെ കാണുകയായിരുന്നു മുഖ്യമന്ത്രി.
രോഗികളല്ല, രോഗമാണ് ശത്രു, രോഗികളെ ഒറ്റപ്പെടുത്തുന്ന പ്രവണതക്കെതിരെ മുഖ്യമന്ത്രി
വൈറസ് വ്യാപനം വര്ധിക്കുന്ന സാഹചര്യത്തില് സംസ്ഥാനത്തെ എല്ലാ ജില്ലകളിലും പൊലീസ് നിരീക്ഷണവും സുരക്ഷയും കര്ശനമാക്കിയിട്ടുണ്ട്. വിവിധ സ്ഥലങ്ങളില് ഏകോപനത്തിനായി ഐജി, ഡിഐജി, എസ്പി റാങ്കിലെ ഉദ്യോഗസ്ഥരെ നിയോഗിച്ചു. പൊന്നാനിയില് ഉത്തരമേഖലാ ഐജിയും തിരുവനന്തപുരത്ത് സിറ്റി പൊലീസ് കമ്മീഷണറും ഡെപ്യൂട്ടി പൊലീസ് കമ്മീഷണറും പൊലീസിന്റെ പ്രവര്ത്തനങ്ങള്ക്ക് നേതൃത്വം നല്കും.
പ്രതികരിക്കാൻ ഇവിടെ എഴുതുക