തിരുവനന്തപുരം: തിരുവനന്തപുരം വെഞ്ഞാറമൂട്ടില് രണ്ട് ഡിവൈഎഫ്ഐ പ്രവര്ത്തകരെ വെട്ടിക്കൊലപ്പെടുത്തിയ കേസിലെ പ്രതികള് കോണ്ഗ്രസ് പ്രവര്ത്തകരെന്ന് പോലീസിന്റെ എഫ്ഐആര് റിപ്പോർട്ട് . പ്രതികൾ ഹഖ് മുഹമ്മദ് മിഥിലാജ് എന്നിവരെ വെട്ടിക്കൊലപ്പെടുത്തണമെന്ന ഉദ്ദേശത്തോടെയാണ് ഞായറാഴ്ച സംഭവ സ്ഥലത്തെത്തിയത്.
സജീവ്, സനല്, ഷജിത്, അജിത്, നജീബ്, സതി എന്നിവരുടെ അറസ്റ്റാണ് രേഖപ്പെടുത്തുക.സംഭവത്തില് ആറ് പേരുടെ അറസ്റ്റ് രേഖപ്പെടുത്തും. സജീവ്, അന്സാര്, ഉണ്ണി, സനല് എന്നിവര് ചേര്ന്നാണ് യുവാക്കളെ വെട്ടിയതെന്നും മറ്റുള്ളവര് കൊലപാതകം നടക്കുമ്ബോള് സ്ഥലത്തുണ്ടായിരുന്നുവെന്നും പോലീസ് പറയുന്നു. മറ്റ് നാല് പേര് പ്രതികളെ രക്ഷപ്പെടാന് സഹായിച്ചവരാണെന്നാണ് പോലീസ് പറയുന്നത്.
കേസിലെ പരാതിക്കാരനായ ഷെഹീലിനെ സജീവ് ചീത്ത വിളിച്ച ശേഷമാണ് ഷെഹീലിന്റെ സുഹൃത്തുക്കളായ ഹഖിനെയും മിഥുലജിനെയും പ്രതികള് ആക്രമിച്ചതെന്നും എഫ്ഐആറില് പറയുന്നുണ്ട്. അക്രമത്തിന്റെ ദൃശ്യങ്ങള് സിസിടിവിയില് പതിഞ്ഞിട്ടുണ്ട്. സജീവിനും സനലിനും സംഭവത്തില് നേരിട്ട് പങ്കുണ്ടെന്നാണ് പോലീസ് വിലയിരുത്തല്. പ്രാദേശിക ഐഎന്ടിയുസി പ്രവര്ത്തകനായ ഉണ്ണിയെ കേന്ദ്രീകരിച്ചും അന്വേഷണം നടക്കുന്നു.
പ്രതികരിക്കാൻ ഇവിടെ എഴുതുക