കങ്കണയെ പരിഹസിച്ചുകൊണ്ട് രംഗത്തെത്തിയിരിക്കുകയാണ് നടന് പ്രകാശ് രാജ്. മണികര്ണികയില് അഭിനയിച്ചതിന് ശേഷം കങ്കണ സ്വയം റാണി ലക്ഷ്മി ഭായിയെന്ന് വിശേഷിപ്പിക്കാറുണ്ട്. ഇതിനെയാണ് പ്രകാശ് രാജ് പരിഹസിച്ചത്.
ബോളിവുഡിലെ മറ്റു താരങ്ങള് അഭിനയിച്ച ചരിത്രകഥാപാത്രങ്ങളുമായി ചേര്ത്തുവെച്ചുകൊണ്ടുള്ള ഒരു ട്രോളാണ് താരം പങ്കുവെച്ചത്. ഷാരുഖ് ഖാന്, ആമിര് ഖാന്, ദീപിക പദുക്കോണ്, ഹൃത്വിക് റോഷന്, അജയ് ദേവ്ഗണ്, വിവേക് ഒബ്രോയ് എന്നിവര് ചെയ്ത കഥാപാത്രങ്ങളെയാണ് ചിത്രത്തില് കാണുന്നത്.
ഒരു സിനിമയില് അഭിനയിച്ചതുകൊണ്ട് റാണി ലക്ഷ്മി ഭായി ആയെന്ന് കങ്കണ ചിന്തിക്കുന്നുണ്ടെങ്കില് ദീപിക പദ്മാവതിയും ഹൃത്വിക് അക്ബറും ഷാരുഖ് അശോകയും അജയ് ഭഗത് സിങ്ങും ആമിര് മംഗള് പാണ്ഡയും വിവേക് മോദിജിയും ആകുമല്ലോ എന്നാണ് മീമില് കുറിച്ചിരിക്കുന്നത്. വെറുതെ ചൊദിക്കുകയാണ് എന്ന ഹാഷ്ടാഗിനൊപ്പമാണ് പ്രകാശ് രാജ് മീം പങ്കുവെച്ചിരിക്കുന്നത്.
കങ്കണ ആദ്യമായി സംവിധാനം ചെയ്ത ചിത്രമായാണ് മണികര്ണിക എത്തുന്നത്. കഴിഞ്ഞ ദിവസം തനിക്ക് മഹാരാഷ്ട്രയോടുള്ള ഇഷ്ടം എത്രയുണ്ടെന്ന് വ്യക്തമാക്കാന് മണികര്ണികയെക്കുറിച്ച് എടുത്തു പറഞ്ഞിരുന്നു. ഹിന്ദി സിനിമയില് മറാത്തയുടെ അഭിമാനമായ ശിവാജി മഹാരാജിനേയും റാണി ലക്ഷ്മി ഭായിയേയും ആദ്യമായി ബിഗ് സ്ക്രീനില് കൊണ്ടുവന്നത് താനാണ് എന്നാണ് കങ്കണ പറഞ്ഞത്.
പ്രതികരിക്കാൻ ഇവിടെ എഴുതുക