കൊച്ചി: മക്കളുടെ ചികിത്സയ്ക്ക് പണം കണ്ടെത്താനാവാതെ ബുദ്ധിമുട്ടുന്നതിനിടയിൽ വാടക വീട് കൂടി ഒഴിയേണ്ടി വന്ന വീട്ടമ്മ കൊച്ചി കണ്ടെയ്നര് റോഡിൽ അവയവങ്ങള് വില്ക്കാനുണ്ടെന്ന ബോര്ഡുമായി കുടില് കെട്ടി സമരം നടത്തുന്നു. മൂന്ന് മക്കള്ക്കും വിവിധ ശസ്ത്രക്രിയയ്ക്ക് പണം കണ്ടെത്താന് പാടുപെടുന്നതിനിടയിലാണ് വാരാപ്പുഴയിലെ വാടക വീട് വീട്ടമ്മയ്ക്ക് ഒഴിയേണ്ടി വന്നത്.
തിരുവനന്തപുരത്ത് ശ്രീനാരായണ ഗുരു പ്രതിമ അനാച്ഛാദനം ചെയ്തു
വലിയ സാമ്പത്തിക പ്രശ്നത്തില് നിന്ന് കരകയറാന് മറ്റ് വഴികളില്ലാതെ വന്നതോടെയാണ് ഇങ്ങനൊരു ബോർഡ് വച്ച് സമരം ചെയ്യേണ്ടി വന്നതെന്ന് അവർ പറയുന്നു. മൂത്ത മകന് തലയിലും, രണ്ടാമത്തെ മകന് വയറിലും മകള്ക്ക് കണ്ണിനുമാണ് ശസത്രക്രിയ വേണ്ടി വന്നത്. ഹൃദയം അടക്കമുള്ള അവയവങ്ങളാണ് ഇവര് വില്പനയ്ക്ക് വച്ചത്.
റോഡില് സമരം ചെയ്ത ഇവരെയും കുട്ടികളേയും പൊലീസും ചൈല്ഡ് ലൈന് അധികൃതരും എത്തി മുളവുകാട് പൊലീസ് സ്റ്റേഷനിലേക്ക് മാറ്റി. കുട്ടികളുടെ ചികിത്സയ്ക്കും ഇവര്ക്ക് സുരക്ഷിതമായ ഒരു ഇടം ഒരുക്കുന്നതിനുള്ള ഇടപെടലുകള് നടത്തുമെന്ന് അധികൃതർ അറിയിച്ചു.
പ്രതികരിക്കാൻ ഇവിടെ എഴുതുക