വാഷിങ്ടന്: മാരകമായ റൈസിന് വിഷം കലര്ന്ന കവര് വൈറ്റ്ഹൗസിലേക്ക് അയച്ച സംഭവത്തില് സ്ത്രീ അറസ്റ്റില്. വൈറ്റ് ഹൗസ് വിലാസത്തില് പ്രസിഡന്റ് ഡോണള്ഡ് ട്രംപിന് കഴിഞ്ഞ ആഴ്ച വന്ന ന്യൂയോര്ക്ക്- കാനഡ അതിര്ത്തിയില് കസ്റ്റംസും അതിര്ത്തി രക്ഷാ ഉദ്യോഗസ്ഥരും ചേര്ന്നാണ് സ്ത്രീയെ അറസ്റ്റ് ചെയ്തത്.
കവര് എത്തിയത് കാനഡയില്നിന്നാണെന്ന് നേരത്തെ കണ്ടെത്തിയിരുന്നു. കവര് വന്ന വിലാസത്തില്നിന്ന് നേരത്തെ അയച്ച പോസ്റ്റുകള് ഉള്പ്പെടെ പരിശോധിക്കും. റിസിന് എന്ന മാരക വിഷമടങ്ങിയ കത്താണ് ട്രംപിന്റെ പേരില് എത്തിയത്. കത്ത് വൈറ്റ് ഹൗസിലേക്ക് എത്തുന്നതിന് മുന്പ് തടഞ്ഞെന്നും യു.എസ് അധികൃതര് അറിയിച്ചു.
റിസിന് ഉള്ളില് ചെന്നാല് 36 മുതല് 72 മണിക്കൂറിനുള്ളില് മരണം സംഭവിക്കും. റിസിന് വിഴുങ്ങുകയോ ശ്വസിക്കുകയോ കുത്തിവെക്കുകയോ ചെയ്താല് ഛര്ദ്ദി, ആന്തരിക രക്തസ്രാവം, അവയവങ്ങളുടെ പ്രവര്ത്തനം നിലയ്ക്കല് എന്നിവ സംഭവിക്കും.
എഫ്ബിഐയും പോസ്റ്റല് ഇന്സ്പെക്ഷന് സര്വീസും കാനഡയിലെ ഏജന്സികളുമായി ചേര്ന്നാണ് എവിടെ നിന്നു വന്നു ആരാണ് അയച്ചത് എന്നിവ സംബന്ധിച്ച് അന്വേഷിക്കുന്നത്. എന്നാൽ കൂടുതൽ വിവരങ്ങൾ അന്വേഷണസംഘം പുറത്തുവിട്ടിട്ടില്ല.
പ്രതികരിക്കാൻ ഇവിടെ എഴുതുക