ഹിന്ദിയടക്കം മൂന്ന് ഭാഷകളെക്കൂടി ജമ്മു കശ്മീരിന്റെ ഔദ്യോഗിക ഭാഷകളാക്കുന്ന ബിൽ ലോക്സഭ പാസാക്കി. ഹിന്ദി, കശ്മീരി, ഡോഗ്രി എന്നീ ഭാഷകൾക്ക് ഔദ്യോഗിക പദവി നൽകുന്ന ‘ജമ്മു ആന്റ് കഷ്മീർ ഒഫീഷ്യൽ ലാംഗ്വേജസ് ബിൽ 2020’ ആണ് ലോക്സഭയിൽ ആഭ്യന്തര സഹമന്ത്രി ജി കിഷൻ റെഡ്ഡി അവതരിപ്പിച്ചത്. നിലവിൽ ഉർദു, ഇംഗ്ലീഷ് ഭാഷകളാണ് കശ്മീരിലെ ഔദ്യോഗിക ഭാഷകൾ.
കശ്മീരി ഭാഷ കശ്മീരിലെ 53.26 ശതമാനമാളുകൾ സംസാരിക്കുന്നതാണെന്നും 70 വർഷമായി അതിന് ഔദ്യോഗിക അംഗീകാരം നൽകിയിട്ടില്ലെന്നും കിഷൻ റെഡ്ഡി പറഞ്ഞു. ജനങ്ങളുടെ ആവശ്യപ്രകാരം ലഫ്. ഗവർണർ അറിയിച്ചതിനാലാണ് കശ്മീരിയും ഹിന്ദിയും ഡോഗ്രിയും ഔദ്യോഗിക കശ്മീരിലെ ഔദ്യോഗി ഭാഷകളാക്കുന്നതെന്നും അദ്ദേഹം അവകാശപ്പെട്ടു.
കോഴിക്കോട് പാളയം മാര്ക്കറ്റ് അടച്ചിടും; 760 പേരെ ടെസ്റ്റ് ചെയ്തതില് 232 പേര്ക്ക് കൊവിഡ്
കശ്മീരിന് അഞ്ച് ഔദ്യോഗിക ഭാഷകൾ ഉണ്ടാക്കുന്നതിലൂടെ കേന്ദ്രസർക്കാർ ആശയക്കുഴപ്പം സൃഷ്ടിക്കുകയാണെന്ന് നാഷണൽ കോൺഫറൻസ് എം.പി ഹസ്നൈൻ മസൂദി പറഞ്ഞു. ‘ഏതെങ്കിലും സംസ്ഥാനത്തിനോ കേന്ദ്രഭരണ പ്രദേശത്തിനോ അഞ്ച് ഔദ്യോഗിക ഭാഷകളുണ്ടോ? ഉർദു കശ്മീരിലെ ഒരു സംയോജന ഭാഷയാണ്’ അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക