ബാര്കോഴക്കേസില് കെഎം മാണി തെറ്റുകാരനല്ലെന്ന് അറിഞ്ഞുകൊണ്ടാണ് സമരം നടത്തിയതെന്നും നോട്ട് എണ്ണുന്ന മെഷീന് മാണിയുടെ വീട്ടിലുണ്ടെന്ന് ആരോപിച്ചത് വെറും രാഷ്ട്രീയ ആയുധമായി മാത്രമായിരുന്നുവെന്നുമുള്ള എല്ഡിഎഫ് കണ്വീനര് എ. വിജയരാഘവന്റെ വെളിപ്പെടുത്തില് മാണിസാറിനുള്ള മരണാനന്തരബഹുമതിയാണെന്ന് മുന് മുഖ്യമന്ത്രി ഉമ്മന്ചാണ്ടി. തന്റെ ഫേസ്ബുക് പേജിലൂടെയാണ് അദ്ദേഹം ഇക്കാര്യം വ്യക്തമാക്കിയത്. കെ എം മാണിയുടെ കുടുംബത്തോടും ജനങ്ങളോടും സിപിഎം മാപ്പുപറയണമെന്നും അദ്ദേഹം ഫേസ്ബുക്കില് കുറിച്ചു.
ഉമ്മന് ചാണ്ടിയുടെ ഫേസ്ബുക് പോസ്റ്റിന്റെ പൂർണ്ണ രൂപം
ബാര്കോഴക്കേസില് കെഎം മാണി തെറ്റുകാരനല്ലെന്ന് അറിഞ്ഞുകൊണ്ടാണ് സമരം നടത്തിയതെന്നും നോട്ട് എണ്ണുന്ന മെഷീന് മാണിയുടെ വീട്ടിലുണ്ടെന്ന് ആരോപിച്ചത് രാഷ്ട്രീയമായി മാത്രമായിരുന്നുവെന്നുമുള്ള എല്ഡിഎഫ് കണ്വീനര് എ. വിജയരാഘവന്റെ വെളിപ്പെടുത്തില് മാണിസാറിനുള്ള മരണാനന്തരബഹുമതിയാണ്.
മാണിസാറിന്റെ കുടുംബത്തോടും ജനങ്ങളോടും സിപിഎം മാപ്പുപറയണം. അദ്ദേഹം ജീവിച്ചിരുന്നപ്പോള് ഈ വെളിപ്പെടുത്തില് നടത്തിയിരുന്നെങ്കില് അത്രയും ആശ്വാസമാകുമായിരുന്നു. കുറ്റക്കാരനല്ലെന്ന് അറിഞ്ഞുകൊണ്ടാണ് മാണി സാറിനെതിരേ പ്രാകൃതമായ സമരമുറകള് അഴിച്ചുവിട്ടത്. സിപിഎം നടത്തിയ ഈ വെളിപ്പെടുത്തല് യുഡിഎഫ് ഏറ്റെടുക്കണം. യുഡിഎഫ് മന്ത്രിസഭയ്ക്കും യുഡിഎഫിന്റെ ധനമന്ത്രിക്കും എതിരേയാണ് ഇടതുപക്ഷം അടിസ്ഥാനരഹിതമായ ആരോപണം ഉന്നയിച്ചത്.
സംസ്ഥാനത്ത് രണ്ട് കൊവിഡ് മരണം; മരണപ്പെട്ടത് എറണാകുളം സ്വദേശികൾ
മാണിസാര് നിയമസഭാംഗത്വത്തിന്റെ സുവര്ണ ജൂബിലി ആഘോഷിച്ചത് ഇടതുപക്ഷത്തിന്റെ ശക്തമായ പ്രതിഷേധത്തിനിടിയില് ആയിരം പോലീസുകാരുടെ നടുവിലാണ്. അന്നു പാര്ട്ടി പ്രവര്ത്തകര് ആഘോഷപരിപാടിക്കു വരുന്നത് പോലീസിനെ ഉപയോഗിച്ച് തടഞ്ഞു.
യുഡിഎഫ് സര്ക്കാര് ഏറ്റവും മികച്ച അന്വേഷണ ഉദ്യോഗസ്ഥനെ വച്ചാണ് ബാര് കോഴക്കേസില് വിജിലന്സ് അന്വേഷണം നടത്തിയത്. മാണി സാര് 100 ശതമാനവും കുറ്റക്കാരനല്ല എന്നായിരുന്നു റിപ്പോര്ട്ട്. ഇടതുസര്ക്കാര് നടത്തിയ അന്വേഷണത്തിലും ഇതു തന്നെയാണു കണ്ടെത്തിയത്. മാണിസാറിന്റെ രാജി തന്റെ പൊതുജീവിതത്തിലെ ഏറ്റവും ദു:ഖമേറിയ അനുഭവമാണ്. അന്ന് അദ്ദേഹത്തെ പിന്തിരിപ്പിക്കാന്സാധിച്ചില്ല.
പ്രതികരിക്കാൻ ഇവിടെ എഴുതുക