തിരുവനന്തപുരം: മുഖ്യമന്ത്രിയുടെ ക്ലിഫ് ഹൗസ് അഴിമതിയുടെ പ്രഭവകേന്ദ്രമെന്ന് പ്രതിപക്ഷ നേതാവ് രമേശ് ചെന്നിത്തല. സ്വപ്ന സുരേഷിന്റെ നിയമനം അടക്കമുള്ള എല്ലാ കാര്യങ്ങളും മുഖ്യമന്ത്രിക്ക് അറിയാമെന്ന കാര്യം വ്യക്തമായെന്നും ചെന്നിത്തല പറഞ്ഞു.
ക്ലിഫ് ഹൗസിലെ ക്യാമറ ഇടിവെട്ടിപ്പോയതല്ല, നശിപ്പിച്ചതാണെന്നും ക്ലിഫ് ഹൗസില് ഇടിവെട്ടി സിസിടിവി അടിച്ചുപോയെന്നു മുഖ്യമന്ത്രി പറഞ്ഞത് മുന്കൂര് ജാമ്യമാണെന്നും ചെന്നിത്തല മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം.ശിവശങ്കറിനെ സ്വര്ണക്കടത്ത് കേസ് പ്രതി സ്വപ്ന സുരേഷിന് പരിചയപ്പെടുത്തിയത് മുഖ്യമന്ത്രിയാണെന്നും ചെന്നിത്തല കുറ്റപ്പെടുത്തി. ആറു തവണ സ്വപ്ന സുരേഷ് എന്തിനു കണ്ടുവെന്നും അതിന്റെ കാരണം എന്താണെന്നും മുഖ്യമന്ത്രി പറയണമെന്നും അദ്ദേഹത്തിന്റെ കീഴിലുള്ള സ്പേസ് പാര്ക്കില് 1.75 ലക്ഷം രൂപയുടെ ശമ്പളം വാങ്ങുന്ന ഉന്നതമായൊരു സ്ഥാനത്തേക്ക് നിയമനം നടക്കുമ്പോൾ മുഖ്യമന്ത്രി അറിയില്ലേയെന്നും ചെന്നിത്തല ചോദിക്കുകയുണ്ടായി.
പ്രതികരിക്കാൻ ഇവിടെ എഴുതുക