സ്വർണ്ണക്കടത്തുമായി ബന്ധപ്പെട്ട് എം.ശിവശങ്കറിന്റെ അറസ്റ്റ് തടയാന് സംസ്ഥാന സര്ക്കാര് ശ്രമിക്കുന്നുവെന്ന പ്രചാരണം അടിസ്ഥാനരഹിതമെന്ന് മുഖ്യമന്ത്രി പിണറായി വിജയന് പറഞ്ഞു. കുറ്റകൃത്യത്തില് പങ്കുണ്ടെന്ന് സംശയിക്കുന്നവരെ അറസ്റ്റ് ചെയ്യാന് കേന്ദ്ര ഏജന്സികള്ക്ക് അധികാരമുണ്ടെന്നും തെറ്റ് ചെയ്തിട്ടുണ്ടെങ്കില് ഏതു പ്രധാനിയാണെങ്കിലും ശിക്ഷിക്കപ്പെടണമെന്നാണു സര്ക്കാര് നിലപാടെന്നും മുഖ്യമന്ത്രി വ്യക്തമാക്കി. തുടക്കം മുതല് സ്വര്ണക്കടത്തു കേസിന്റെ അന്വേഷണത്തിന് എല്ലാ സഹകരണവും സംസ്ഥാന സര്ക്കാര് നല്കുന്നുണ്ട്. ഒരു പരാതിയും ഇക്കാര്യത്തില് അന്വേഷണ ഏജന്സികള് പറഞ്ഞിട്ടില്ല. സര്ക്കാരിന്റെ താല്പര്യംസ്വതന്ത്രവും നീതിപൂര്ണവുമായ അന്വേഷണം നടത്തി കുറ്റവാളികളെ മുഴുവന് നിയമത്തിനു മുമ്പില് കൊണ്ടുവരണമെന്നതാണ്. കേന്ദ്ര ഏജന്സികള്ക്ക് കുറ്റകൃത്യത്തില് പങ്കുണ്ടെന്ന് സംശയിക്കുന്ന ആരെയും ചോദ്യം ചെയ്യാനും അറസ്റ്റ് ചെയ്യാനും അധികാരമുണ്ട്.
രാജ്യത്തെ ശാസ്ത്രസമൂഹത്തെയും സ്ഥാപനങ്ങളെയും അഭിനന്ദിച്ച് പ്രധാനമന്ത്രി
ഏതു പ്രധാനിയാണെങ്കിലും തെറ്റു ചെയ്തിട്ടുണ്ടെങ്കില് ശിക്ഷിക്കപ്പെടണം നിലപാടാണ് സര്ക്കാരിനുള്ളതെന്നും പദവിക്ക് ചേരാത്ത ബന്ധം ശിവശങ്കറിന് ഉണ്ടെന്ന് കണ്ടപ്പോഴാണ് മുഖ്യമന്ത്രിയുടെ സെക്രട്ടറി സ്ഥാനത്തുനിന്ന് നീക്കിയതെന്നും ചീഫ് സെക്രട്ടറിതലത്തില് അന്വേഷണം നടത്തി സസ്പെന്ഡ് ചെയ്തെന്നും കൂടാതെ ശിവശങ്കറിനു മുഖ്യമന്ത്രിയുടെ ഓഫീസുമായോ സര്ക്കാരുമായോ ഇപ്പോള് ഒരു ബന്ധവുമില്ലെന്നും അതുകൊണ്ട് അന്വേഷണ ഏജന്സികള്ക്ക് അവരുടെ വഴിക്ക് നീങ്ങാന് ഒരു തടസവുമില്ലെന്നും ലൈഫും സ്വര്ണക്കടത്തു കേസും കൂട്ടിക്കെട്ടാന് ശ്രമിക്കുന്നതിന്റെ ദുരുദ്ദേശ്യമെന്തെന്നു ജനങ്ങള്ക്ക് കൃത്യമായി മനസിലാകുന്നുണ്ടെന്നും കേന്ദ്രമന്ത്രി സ്ഥാനത്തിനു നിരക്കാത്ത പ്രവര്ത്തികളാണ് വി.മുരീധരന്റെ ഭാഗത്തുനിന്നുണ്ടാകുന്നതെന്നും മുഖ്യമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക