മലപ്പുറം: രാഷ്ട്രീയ പ്രതിസന്ധികൾ ഉണ്ടാകുമ്പോഴാണ് സർക്കാർ മാവോവാദികളെ ഏറ്റുമുട്ടലിൽ കൊല്ലുന്നതെന്നു പോലീസ് ഏറ്റുമുട്ടലിൽ കൊല്ലപ്പെട്ട സിപി ജലീലിന്റെ സഹോദരനും മനുഷ്യാവകാശ പ്രവർത്തകനുമായ സിപി റഷീദ്. തന്റെ സഹോദരന്റെ കൊലപാതകത്തിന് സമാനമായ സംഭവം തന്നെയാണ് ഇന്ന് വയനാട്ടില് ഉണ്ടായിരിക്കുന്നതെന്ന് സി.പി റഷീദ് പറഞ്ഞു. രാഷ്ട്രീയമായ പ്രതിസന്ധിയുണ്ടാകുന്ന ഘട്ടത്തില് മാവോവാദികളെ വളഞ്ഞിട്ട് ആക്രമിക്കുകയും കൊല്ലുകയും ചെയ്യുന്ന തന്ത്രമാണ് സര്ക്കാര് ആവിഷ്ക്കരിക്കുന്നതെന്നും സി.പി റഷീദ് പറഞ്ഞു.
വയനാട്ടിൽ മാവോയിസ്റ്റ് ഏറ്റുമുട്ടൽ, ഒരാള് കൊല്ലപ്പെട്ടു
മാവോയിസ്റ്റായ ഒരാള് കൊല്ലപ്പെട്ടു എന്ന് പറയുന്നു. അയാളുടെ പേര് പോലും ഇപ്പോള് വെളിപ്പെടുത്തിയിട്ടില്ല. എന്റെ അനുജന് സി.പി ജലീലിന്റെ കൊലപാതകത്തിന് സമാനമായ സംഭവമാണ് ഇത്. എത്രയോ മണിക്കൂര് കഴിഞ്ഞാണ് ആള് ആരാണ് എന്ന് പോലും പറഞ്ഞത്. അനാഥ മൃതദേഹമായി അവിടെ മണിക്കൂറുകളോളം മൃതദേഹം കിടന്നു.
സ്വയരക്ഷക്കാണ് തണ്ടര്ബോള്ട്ട് വെടിവെച്ചത് എന്നായിരുന്നു പറഞ്ഞത്. ഒടുവില് ഫോറന്സിക് റിപ്പോര്ട്ട് വന്നപ്പോള് സി.പി ജലീല് വെടിയുതിര്ത്തിട്ടില്ല എന്ന് വ്യക്തമായി. കേരള സര്ക്കാര് ഇപ്പോള് ചെയ്യുന്നത് പൊളിറ്റിക്കലായ ഒരു ക്രൈസിസ് ഉണ്ടാകുമ്ബോള് മാവോവാദികളെ വളഞ്ഞിട്ട് ആക്രമിക്കുകയും കൊല്ലുകയും ചെയ്യുന്ന തന്ത്രം ആവിഷ്ക്കരിക്കുകയാണ്.
വാളയാര് സംഭവം അതിരൂക്ഷമായി കത്തി നിന്നപ്പോഴാണ് മഞ്ചിക്കണ്ടിയില് വെടിവെപ്പ് ഉണ്ടാകുന്നത്. ഇപ്പോള് ശിവശങ്കറും കോടിയേരിയുടെ മകനും തെരഞ്ഞെടുപ്പ് അടുത്ത സമയത്ത് നാണംകെട്ട് നില്ക്കുമ്ബോള് ഏറ്റുമുട്ടല് ഉണ്ടാകുന്നത് ദുരൂഹതയാണ്. ജനാധിപത്യ സമൂഹത്തെ വെല്ലുവിളിക്കുകയാണ് സര്ക്കാര്. അതിന്റെ രക്തസാക്ഷിയാണ് പടിഞ്ഞാറെത്തറയില് ഉണ്ടായിരിക്കുന്നത് എന്ന് തിരിച്ചറിയണമെന്നും സി.പി റഷീദ് പറഞ്ഞു.
പ്രതികരിക്കാൻ ഇവിടെ എഴുതുക