സൈബീരിയൻ പക്ഷികളായ സൈബീരിയൻ കൊക്കുകൾ, ഗ്രേറ്റർ ഫ്ലമിംഗോ, ഡെമോയിസെൽ കൊക്ക് എന്നിവ കൂടാതെ അനേകം പക്ഷികളുടെ ശൈത്യകാല വസതിയാണ് നമ്മുടെ രാജ്യം. ശൈത്യകാലത്ത് നിരവധി ദേശാടന പക്ഷികളാണ് ഇന്ത്യയിലേക്ക് എത്താറുള്ളത്. എല്ലാ വർഷവും ശൈത്യകാലത്തും വേനൽക്കാലത്തും ഭക്ഷണത്തിനും പ്രജനനത്തിനും കൂടുണ്ടാക്കാനും ഇന്ത്യയിലെക്ക് വരുന്ന ചില ദേശാടന പക്ഷികളുടെ ( Migratory birds) പട്ടിക ഇവിടെ
1. സൈബീരിയൻ കൊക്കുകൾ
മഞ്ഞിന്റെ വെണ്മയുള്ള തൂവലുകളാണ് സൈബീരിയൻ കൊക്കുകളുടെ പ്രത്യേകത. ശൈത്യകാലത്താണ് ഈ കൊക്കുകൾ ഇന്ത്യയിലേക്ക് എത്തുന്നത്. റഷ്യയിലെയും സൈബീരിയയിലെയും ആർട്ടിക് തുണ്ട്രയിലാണ് ഈ കൊക്കുകളെ കണ്ടുവരുന്നത്. ഈ ദേശാടന പക്ഷികൾ ഇപ്പോൾ വംശനാശ ഭീഷണിയിലാണ്. 2002 വരെ ഭരത്പൂർ കെയ്ലാഡിയോ നാഷണൽ പാർക്കിൽ ഈ കൊക്കുകളെ കണ്ടുവരാറുണ്ട്.
2. ഗ്രേറ്റർ ഫ്ലമിംഗോ
ഇന്ത്യൻ ഉപഭൂഖണ്ഡത്തിൽ കാണപ്പെടുന്ന അരയന്ന കുടുംബത്തിലെ ഏറ്റവും വലിയ ഇനമാണ് ഗ്രേറ്റർ ഫ്ലമിംഗോ. നാൽ സരോവർ പക്ഷിസങ്കേതം, ഖിജാദിയ പക്ഷിസങ്കേതം, ഫ്ലമിംഗോ സിറ്റി, ഗുജറാത്തിലെ തോൽ പക്ഷി സങ്കേതം എന്നിവിടങ്ങളിൽ ശൈത്യകാലത്ത് ഈ ദേശാടന പക്ഷികളെ കാണാൻ കഴിയും
3. നീലകണ്ഠപക്ഷി
വടക്കേ ആഫ്രിക്കയിലെയും ഇന്ത്യൻ ഉപഭൂഖണ്ഡത്തിലെയും വരണ്ട ഊഷരപ്രദേശങ്ങളിൽ കണ്ടുവരുന്ന ഒരു ചെറിയ പക്ഷിയാണ് നീലകണ്ഠപക്ഷി അഥവ ബ്ലൂത്രോട്ട്. രാജസ്ഥാനിലെ ഭരത്പൂരിലെ കിയോലാഡിയോ ദേശീയ ഉദ്യാനത്തിൽ ഈ പക്ഷികളെ കണ്ട് വരാരുണ്ട്. തൃശൂരിലെ കോൾ നിലങ്ങളിൽ ഈ പക്ഷികളെ കണ്ടിരുന്നതായും പറയപ്പെടുന്നു.
4. ഗ്രേറ്റ് വൈറ്റ് പെലിക്കൻ
വലിയ വെളുത്ത പെലിക്കൻ റോസി പെലിക്കൻ എന്നും അറിയപ്പെടുന്ന ഈ പക്ഷിക്ക് വെൺ കൊതുമ്പന്നം എന്ന് മലയാളത്തിൽ പേരുണ്ട്. കിഴക്കൻ യൂറോപ്പ്, ആഫ്രിക്ക, വടക്കുപടിഞ്ഞാറൻ ഇന്ത്യ എന്നിവിടങ്ങളിൽ ഈ പക്ഷികളെ കാണപ്പെടുന്നുണ്ട്. ശൈത്യകാലത്താണ് ഗ്രേറ്റ് വൈറ്റ് പെലിക്കൻ ഇന്ത്യയിലേക്ക് എത്തുന്നത് ഈ സമയത്ത് പ്രധാനമായും അസം, ഉത്തർപ്രദേശ്, രാജസ്ഥാൻ, ഗുജറാത്ത് എന്നീ സംസ്ഥാനങ്ങളിൽ ഇവയെ കാണാം
5. ഏഷ്യാറ്റിക് സ്പാരോ-ഹോക്ക്
ഏഷ്യാറ്റിക് സ്പാരോ-ഹോക്ക് ഒരു ഇര പിടിയൻ പക്ഷിയാണ്. കഴുകന്മാരെപ്പോലുള്ള വലിയ ഇരപിടിയൻ പക്ഷികളുമായി താരതമ്യപ്പെടുത്തുമ്പോൾ ഇത് ചെറിയ പക്ഷിയാണ്. ശൈത്യകാലത്താണ് ഇവ ഇന്ത്യയിലേക്ക് പറന്നെത്തുന്നത്
പ്രതികരിക്കാൻ ഇവിടെ എഴുതുക