തിരുവനന്തപുരം: ബംഗളുരു മയക്കുമരുന്ന് കേസിൽ അറസ്റ്റിലായ ബിനീഷ് കോടിയേരിയുടെ തിരുവനന്തപുരത്തെ മരുതുംകുഴിയിലെ വീടും സ്വത്തുവകകളും കണ്ടുകെട്ടാന് എന്ഫോഴ്സ്മെന്റ് ഡയറക്ടറേറ്റിന്റെ തീരുമാനം. ഇക്കാര്യം ആവശ്യപ്പെട്ട് ഇ.ഡി. രജിസ്ട്രേഷന് ഐ.ജിക്ക് കത്തു നല്കി.
ബിനീഷിന്റെ സ്വത്തുവകകളുമായി ബന്ധപ്പെട്ട് നേരത്തെയും ഇ.ഡി. രജിസ്ട്രേഷന് ഐ.ജിക്ക് കത്തു നല്കിയിരുന്നു.
എതിര്പ്പ് കനത്തു, കേന്ദ്ര നേതൃത്വം തിരുത്തി; പൊലീസ് നിയമ ഭേദഗതിയില് നിന്നും സര്ക്കാര് പിന്മാറി
കഴിഞ്ഞ മാസമാണ് സ്വര്ണക്കടത്തുമായി ബന്ധപ്പെട്ട കേസില് ബിനീഷിന്റെ ആസ്തിവകകളുടെ കൈമാറ്റം മരവിപ്പിച്ചുകൊണ്ട് കൊച്ചി ഇ.ഡി. ഓഫീസ് സംസ്ഥാന രജിസ്ട്രേഷന് വകുപ്പിന് കത്ത് നല്കിയത്. കള്ളപ്പണം വെളുപ്പിക്കല് നിരോധന നിമയപ്രകാരമാണ് നടപടി.
ബിനീഷിന്റെ ഭാര്യയുടെ പേരിലുള്ള ആസ്തിവകകളും മയക്കുമരുന്ന് കേസിലെ പ്രതി അനൂപ് മുഹമ്മദിന്റെ ആസ്തിവകകളും കണ്ടുകെട്ടും.
സ്വാഭാവിക നടപടിക്രമം അനുസരിച്ച് അറസ്റ്റ് നടന്ന് 90 ദിവസത്തിനകം കണ്ടുകെട്ടല് നടപടികള് ഇ.ഡി പൂര്ത്തീകരിക്കും. ഇതിന്റെ ഭാഗമായാണ് കേസില് ഉള്പ്പെട്ടവരുടെ ആസ്തിവകകള് കണ്ടുകെട്ടാനുള്ള തീരുമാനം.
പ്രതികരിക്കാൻ ഇവിടെ എഴുതുക