Home KOLLYWOOD ആരാധകന്റെ വിവാഹത്തിന് താലി എടുത്തുകൊടുക്കാൻ സൂര്യ എത്തി !

ആരാധകന്റെ വിവാഹത്തിന് താലി എടുത്തുകൊടുക്കാൻ സൂര്യ എത്തി !

ആരാധകരുമായി വളരെ അടുത്ത ബന്ധം കാത്തുസൂക്ഷിക്കുന്ന താരങ്ങളിൽ ഒരാളാണ് നടൻ സൂര്യ. ഇപ്പോഴിതാ തന്റെ കടുത്ത ആരാധകനായ ഹരി എന്ന യുവാവിന്റെ വിവാഹദിവസം മണ്ഡപത്തിലെത്തിയാണ് താരം സർപ്രൈസ് നൽകിയിരിക്കുന്നത്.

കല്യാണത്തിൽ പങ്കെടുക്കുന്ന താരത്തിന്റെ വിഡിയോയും ചിത്രങ്ങളും ഇതിനോടകം വൈറലായിക്കഴിഞ്ഞു.

വിവാഹച്ചടങ്ങിൽ ഉടനീളം പങ്കെടുത്ത സൂര്യ തന്നെയാണ് വധുവിന് ചാർത്താനായി ഹരിക്ക് താലി എടുത്തു കൊടുത്തതും. വർഷങ്ങളായി ഓൾ ഇന്ത്യ സൂര്യ ഫാൻ ക്ലബ്ബിന്റെ അം​ഗമാണ് ഹരി.

വിവാഹത്തിന് സൂര്യ എത്തുമെന്ന് അറിയിച്ചിരുന്നെങ്കിലും ഔദ്യോ​ഗികമായി ഉറപ്പ് ലഭിക്കാതിരുന്നതിനാൽ താരത്തെ ചടങ്ങിൽ ആരും പ്രതക്ഷിച്ചില്ല.

അതുകൊണ്ട് അതിഥികൾക്കും ഹരിക്കും ഒരുപോലെ സർപ്രൈസായിരുന്നു സൂര്യയുടെ എൻട്രി.

Also Read :   പുനലൂരിൽ പതിനഞ്ചുകാരിയെ പീഡിപ്പിച്ചു; ഫോട്ടോകൾ ശേഖരിച്ച ശേഷം ഭീഷണിപ്പെടുത്തി സ്വർണാഭരണങ്ങൾ കവര്‍ന്ന യുവാവ് പിടിയില്‍