തൃശ്ശൂർ: വടക്കേക്കാട് എന്ന ഗ്രാമത്തിൽ നിന്നും വയനാട്ടിലേക്ക് സൈക്കിളിൽ യാത്ര ചെയ്യുക എന്നത് ചിന്തിക്കുന്നതിനും അപ്പുറം സാഹസികമാണ്. പക്ഷെ, അടിക്കടി ഉണ്ടാകുന്ന ഇന്ധന വിലവർധനവിൽ പ്രതിഷേധിച്ച് തൃശ്ശൂരിലെ വടക്കേക്കാട് മുതൽ വയനാട്ടിലെ മേപ്പാടിയിലേക്ക് സൈക്കിളിൽ സഞ്ചരിച്ച് ഒറ്റയാൾ പോരാട്ടം നടത്തുകയാണ് വടക്കേക്കാട് സ്വദേശിയായ നൗഷാദ് മുഹമ്മദ്. സൈക്കിളിൽ ഒരു കൊടിയും പ്രതിഷേധ ബാനറും പ്രദർശിപ്പിച്ചാണ് നൗഷാദിന്റെ യാത്ര. ഇദ്ദേഹത്തിന്റെ യാത്ര സോഷ്യൽമീഡിയയിലും വലിയ ചർച്ചയാവുകയാണ്.
പ്രതികരിക്കാൻ ഇവിടെ എഴുതുക