നിയമസഭാ തെരഞ്ഞെടുപ്പില് മത്സരിക്കാന് സുരേഷ് ഗോപിക്ക് മേല് സമ്മര്ദം ചെലുത്തി ബിജെപി നേതൃത്വം. മത്സരിക്കാനില്ലെന്ന തീരുമാനത്തില് പുനഃരാലോചന വേണമെന്ന് എംപിയോട് ബിജെപി നേതൃത്വം ആവശ്യപ്പെട്ടേക്കും. അങ്ങനെയെങ്കില് വട്ടിയൂര്കാവിലോ, തൃശൂരിലോ സുരേഷ് ഗോപി സ്ഥാനാര്ത്ഥിയായേക്കും.
ഷൂട്ടിങ് തിരക്ക് ചൂണ്ടികാട്ടിയാണ് സുരേഷ് ഗോപി മത്സരിക്കാനില്ലെന്ന് അറിയിച്ചിരിക്കുന്നത്. നിലവില് ജോഷി സംവിധാനം ചെയ്യുന്ന പാപ്പന് എന്ന സിനിമയുടെ ചിത്രീകരണത്തിലാണ് ന
ടന്. ഇതിന് ശേഷം മാത്യൂസ് തോമസ് സംവിധാനം ചെയ്യുന്ന ഒറ്റകൊമ്പന് ചിത്രീകരണം തുടങ്ങും. നിധിന് രണ്ജി പണിക്കരുടെ കാവലിന്റെ ഷൂട്ടിങ് പൂര്ത്തിയാക്കിയ സുരേഷ് ഗോപിക്ക് അതിന്റെ ഡബ്ബിങ് ജോലികളും പൂര്ത്തീകരിക്കേണ്ടതുണ്ട്.
കേരളത്തിലെ ഓരോ സീറ്റിലും മൂന്ന് പേരുകളാണ് കേന്ദ്ര പാര്ലമെന്ററി ബോര്ഡിന് നല്കുന്നത്. കേരളത്തിലെ സ്ഥാനാര്ത്ഥി പട്ടികയുമായി വി മുരളീധരന്, സംസ്ഥാന പ്രസിഡണ്ട് കെ സുരേന്ദ്രന്, ദേശീയ നിര്വാഹക സമിതി അംഗം പികെ കൃഷ്ണ ദാസ് എന്നിവരാണ് ദില്ലിക്ക് പോവുക.
പ്രതികരിക്കാൻ ഇവിടെ എഴുതുക