മുഖ്യമന്ത്രി പിണറായി വിജയന് മല്സരിക്കുന്ന ധര്മ്മടം മണ്ഡലത്തില് ശക്തനായ സ്ഥാനാര്ത്ഥിയെ തിരഞ്ഞ് കോണ്ഗ്രസ്. പിണറായിക്കെതിരെ കരുത്തനായൊരു സ്ഥാനാർത്ഥി വേണമെന്നാണ് പ്രവർത്തകർ ആവശ്യപ്പെടുന്നത്.
കെ സുധാകരന്റെ പേരാണ് കണ്ണൂരിലെ പ്രവർത്തകർക്കിടയിൽ നിന്നും ഉയർന്നു വരുന്ന പേര്. ധര്മ്മടത്ത് കെ. സുധാകരനെ സ്ഥാനാര്ത്ഥിയാക്കണമെന്ന് ആവശ്യപ്പെട്ട് സോണിയാ ഗാന്ധിക്ക് ഇ -മെയില് പ്രവാഹമാണ്. കണ്ണൂരില് നിന്നുള്ള കോണ്ഗ്രസ് പ്രവര്ത്തകരുടേതാണ് ഇ-മെയിലുകള്.
കെ.സുധാകരന് മത്സരിക്കണമെന്നത് കോണ്ഗ്രസ് പ്രവര്ത്തകരുടെ പൊതു വികാരമാണെന്ന് ഡിസിസി നേതാവ് മമ്പറം ദിവാകരനും പ്രതികരിച്ചു. ധര്മ്മടത്ത് ഫോര്വേഡ് ബ്ലോക്ക് ദേശീയ സെക്രട്ടറി ജി ദേവരാജനെയാണ് മല്സരിപ്പിക്കാന് യുഡിഎഫ് കണ്ടുവെച്ചിരുന്നത്.
എന്നാല് ധര്മ്മടത്ത് മല്സരിക്കാനില്ലെന്ന് വ്യക്തമാക്കി ദേവരാജന് പിന്മാറി. സിപിഎം പി ബി അംഗത്തിനെതിരെ പാര്ട്ടി ദേശീയ സെക്രട്ടറി മല്സരിക്കേണ്ടെന്ന ഫോര്വേഡ് ബ്ലോക്ക് കേന്ദ്ര കമ്മിറ്റി തീരുമാനം സംസ്ഥാന കമ്മിറ്റിയും ശരിവെച്ചതോടെയാണ് ദേവരാജന്റെ പിന്മാറ്റം.
പശ്ചിമ ബംഗാളില് ഇടതുമുന്നണിക്കൊപ്പമാണ് ഫോര്വേഡ് ബ്ലോക്ക്. വിഷയത്തില് ദേശീയ നേതൃത്വം ഇതുവരെ പ്രതികരിച്ചിട്ടില്ല.
പ്രതികരിക്കാൻ ഇവിടെ എഴുതുക