സ്പീക്കർ പി ശ്രീരാമകൃഷ്ണനെതിരെ ഗുരുതര ആരോപണങ്ങളുമായി സ്വപ്ന സുരേഷിന്റെ മൊഴി. ഹൈക്കോടതിയില് ഇ.ഡി. നല്കിയ റിപ്പോര്ട്ടിനൊപ്പം സമര്പ്പിച്ച മൊഴിപകര്പ്പാണ് ഇപ്പോള് പുറത്തുവന്നിരിക്കുന്നത്.
സ്പീക്കർ ദുരുദ്ദേശത്തോടെ തന്നെ ഫ്ലാറ്റിലേക്ക് വിളിച്ചുവെന്നാണ് ആരോപണം. യുഎഇ കോൺസുലേറ്റിൽ നിന്ന് രാജിവെക്കുന്ന കാര്യം മുഖ്യമന്ത്രിയെ നേരിൽ കണ്ട് അറിയിച്ചിരുന്നുവെന്നും സ്വപ്നയുടെ മൊഴിയിൽ വെളിപ്പെടുത്തുന്നു.
മുഖ്യമന്ത്രിയുടെ ഓഫീസിൽ എം ശിവശങ്കറിന്റെ ടീം ഉണ്ടായിരുന്നുവെന്നും സ്വപ്ന ആരോപിക്കുന്നു.
സ്പീക്കര് പി. ശ്രീരാമകൃഷ്ണന് ദുരുദ്ദേശ്യത്തോടെ തിരുവനന്തപുരം പേട്ടയിലെ ഫ്ളാറ്റിലേക്ക് വിളിച്ചുവരുത്തിയെന്നാണ് പ്രധാന ആരോപണം. പേട്ടയിലെ മരുതം അപ്പാര്ട്ട്മെന്റിലെ ഫ്ളാറ്റിലേക്ക് അദ്ദേഹം വിളിച്ചുവരുത്തി.
അത് തന്റെ ഒളിസങ്കേതമാണെന്നാണ് സ്പീക്കര് പറഞ്ഞത്. സരിത്തിനൊപ്പമാണ് താന് സ്പീക്കറെ കാണാന് ഫ്ളാറ്റിലേക്ക് പോയത്. എന്നാല് അദ്ദേഹത്തിന്റെ താത്പര്യങ്ങള്ക്ക് വിസമ്മതിച്ചപ്പോള് മിഡില് ഈസ്റ്റ് കോളേജില് തനിക്ക് വാഗ്ദാനം ചെയ്ത ജോലി ഇല്ലാതായെന്നും സ്വപ്നയുടെ മൊഴിയിലുണ്ട്.
സരിത്തിന് സ്പീക്കര് പണമടങ്ങിയ ബാഗ് കൈമാറുന്നതിന് താന് സാക്ഷിയാണ്. ഇതിന് മുമ്പാണ് സരിത്തും സന്ദീപും അവരുടെ കാര്ബണ് ഡോക്ടര് എന്ന സ്ഥാപനത്തിന്റെ ഉദ്ഘാടനത്തിനായി സ്പീക്കറെ ആവശ്യപ്പെട്ടത്. ഇവരുടെ ആവശ്യപ്രകാരം താനാണ് സ്പീക്കറെ ഉദ്ഘാടന ചടങ്ങിന് ക്ഷണിച്ചത്.
സന്ദീപിന്റെ കാര്ബണ് ഡോക്ടര് എന്ന സ്ഥാപനം കേരള സ്റ്റാര്ട്ട് അപ്പ് മിഷന് വഴി പ്രമോട്ട് ചെയ്യാന് സ്പീക്കര് എം.ശിവശങ്കറോട് ആവശ്യപ്പെട്ടിരുന്നു. സര്ക്കാര് മേഖലയിലേക്ക് പ്രവേശിക്കണമെങ്കില് ആദ്യം കുറച്ച് കെ.എസ്.ആര്.ടി.സി. ബസുകള് സൗജന്യമായി ഡീകാര്ബണൈസ് ചെയ്തുനല്കാന് അവര് ആവശ്യപ്പെട്ടു.
ഇതിനുശേഷം സംസ്ഥാനമാകെ ഇത്തരം പ്രവൃത്തികള്ക്കുള്ള കരാര് നല്കാമെന്നും പറഞ്ഞു. യുഎഇ കോണ്സുലേറ്റിന്റെ ഒരു പരിപാടിയില്വെച്ചാണ് സ്പീക്കറെ താന് ആദ്യമായി കാണുന്നത്.
അദ്ദേഹം എന്റെ മൊബൈല് നമ്പര് വാങ്ങി. പിന്നീട് പതിവായി വിളിക്കാനും വാട്സാപ്പില് സന്ദേശങ്ങള് അയക്കാനും തുടങ്ങി. നിരവധി തവണ അദ്ദേഹം ഔദ്യോഗിക വസതിയിലേക്ക് ക്ഷണിച്ചുവെന്നും സ്വപ്ന പറയുന്നു
പ്രതികരിക്കാൻ ഇവിടെ എഴുതുക