കുന്നത്തൂര്: കുന്നത്തൂരിലെ യുഡിഎഫ് സ്ഥാനാര്ത്ഥി ഉല്ലാസ് കോവൂരിന്റെ വീടിന് മുന്നില് ദുരൂഹ സാഹചര്യത്തില് മുട്ടകള് കണ്ടെത്തി. വീട്ടുമുറ്റത്തെ കിണറിന് സമീപത്തെ പ്ലാവിന്റെ ചുവട്ടിലായി വാഴയിലയില് മൂന്ന് മുട്ടകള് രാവിലെയാണ് കണ്ടെത്തിയത്.
ഒന്നില് ശത്രുവെന്നും മറ്റൊന്നില് ഓം എന്നും വരച്ചിട്ടുണ്ട്. ഒരു മുട്ടയില് ചുവന്ന നൂല് ചുറ്റി വരഞ്ഞിട്ടുമുണ്ട്. ഇഞ്ചോടിച്ച് പോരാട്ടം നടക്കുന്ന മണ്ഡലത്തില് പ്രചാരണം അവസാനിക്കാന് മണിക്കൂറുകള് ശേഷിക്കെ മുട്ട വിവാദം വലിയ ചര്ച്ചയായി. എന്നാല് ഉല്ലാസ് ഇതിനെ അത്രകാര്യമായി എടുക്കുന്നില്ല. ഇതൊക്കെ അവഗണിക്കേണ്ട വിഷയമാണെന്നും രാഷ്ട്രീയ പോരാട്ടമാണ് നടക്കുന്നതെന്നും ഉല്ലാസ് കോവൂര് പറഞ്ഞു.
പ്രതികരിക്കാൻ ഇവിടെ എഴുതുക