നടി ഐശ്വര്യ ലക്ഷ്മിക്ക് കോവിഡ് സ്ഥിരീകരിച്ചു. താരം തന്നെയാണ് ഇക്കാര്യം സോഷ്യല് മീഡിയയില് പങ്കുവച്ചിരിക്കുന്നത്. മാസ്ക് ധരിക്കുകയും, സാനിറ്റൈസ് ചെയ്യുകയും സാമൂഹിക അകലം പാലിക്കുകയും ചെയ്തിരുന്നു എന്നിട്ടും കോവിഡ് വന്നു എന്നാണ് ഐശ്വര്യ കുറിച്ചിരിക്കുന്നത്.
ഐശ്വര്യ ലക്ഷ്മിയുടെ കുറിപ്പ്:
നിങ്ങള് കാണുന്നത് പുതുതായി കോവിഡ് സ്ഥിരീകരിച്ച ഒരു രോഗിയെയാണ്. ഞാന് മാസ്കുകള് ധരിച്ചു, സാനിറ്റൈസ് ചെയ്തു, സാമൂഹിക അകലം പാലിച്ചു, അങ്ങനെ കോവിഡ് മാനദണ്ഡങ്ങളെല്ലാം പാലിച്ചു… എന്നാല് ചില സമയങ്ങളില്, ഞാന് ക്ഷീണിക്കുകയും അതെന്റെ ”സാധാരണ ജീവിതത്തെ” ബാധിക്കുകയും ചെയ്തു. കുറച്ച് ദിവസങ്ങള്ക്ക് ശേഷം, ഇതാ ഞാന്..
ചിത്രങ്ങള് പോസ്റ്റു ചെയ്യുന്നു, ശ്വാസകോശ ശേഷി വര്ദ്ധിപ്പിക്കുന്നതിന് യോഗ ചെയ്യുന്നു, മഞ്ഞള് ലാട്ടെ കുടിക്കുന്നു, ആന്റിവൈറലുകള്, മള്ട്ടിവിറ്റാമിനുകള് എന്നിവ എടുക്കുന്നു, ബാല്ക്കണിയില് എന്റെ മാതാപിതാക്കളുമായി ആശയവിനിമയം നടത്തുകയും ഒടുവില് മനസിലാക്കുന്നു… ഇതിന് വലിയ വിലയൊന്നും ഇല്ല.. മാസ്ക് അപ്പ്, നിങ്ങള്ക്ക് ആവശ്യമുള്ളതെല്ലാം ചെയ്യൂ.. കോവിഡിനെ നിസ്സാരമായി കാണരുത്..
നിരവധി ചിത്രങ്ങളാണ് മലയാളത്തിലും അന്യഭാഷയിലുമായി ഐശ്വര്യയുടേതായി ഒരുങ്ങുന്നത്. ധനുഷിനും കാര്ത്തിക്കുമൊപ്പം ഒരു ആക്ഷന് ത്രില്ലര് ചിത്രത്തില് താരം അഭിനയിച്ചിരുന്നു. സുബ്ബരാജ് സംവിധാനം ചെയ്ത സിനിമ അധികം വൈകാതെ തന്നെ ഒടിടി പ്ലാറ്റ്ഫോമിലൂടെ റിലീസ് ചെയ്യും. മണിരത്നത്തിന്റെ ബ്രഹ്മാണ്ഡ ചിത്രമായ പൊന്നിയിന് സെല്വനിലും ഐശ്വര്യ അഭിനയിക്കുന്നുണ്ട്.
പ്രതികരിക്കാൻ ഇവിടെ എഴുതുക