അതിക്രമങ്ങളില്പ്പെടുന്ന സ്ത്രീകള്ക്കും കുട്ടികള്ക്കും പരാതികള് സമര്പ്പിക്കുന്നതിനായി തപാല് വകുപ്പ് ശിശുവികസന വകുപ്പുമായി സഹകരിച്ച് രക്ഷാദൂത് പദ്ധതി ആരംഭിച്ചു. അക്രമത്തിനിരയായ സ്ത്രീകള്ക്കോ കുട്ടികള്ക്കോ അവരുടെ പ്രതിനിധികള്ക്കോ പരാതി സമര്പ്പിക്കുന്നതിനുള്ള അവസരമൊരുക്കുകയാണ് പദ്ധതിയുടെ ലക്ഷ്യം. പോസ്റ്റ് ഓഫീസില് എത്തി തപാല് എന്ന കോഡ് പറയുകയും പോസ്റ്റ് മാസ്റ്റര്/ മിസ്ട്രസിന്റെ സഹായത്തോടെ പേപ്പറില് സ്വന്തം മേല്വിലാസം പിന്കോഡ് സഹിതം എഴുതി ലെറ്റര് ബോക്സില് നിക്ഷേപിക്കണം. അല്ലെങ്കില് വീടിന് അടുത്തുള്ള തപാല് വകുപ്പിന്റെ ലെറ്റര് ബോക്സില് വെള്ള പേപ്പറില് മേല്വിലാസം പിന്കോഡ് സഹിതം എഴുതി സീല് ചെയ്ത് പുറത്ത് തപാല് എന്നെഴുതി നിക്ഷേപിക്കുകയും ചെയ്യണം. സ്റ്റാമ്പ് ഒട്ടിക്കേണ്ടതില്ല. ഗാര്ഹിക പീഡനത്തില് നിന്നും വനിതകളെ സംരക്ഷിക്കുന്ന നിയമം-2005 ഫലപ്രദമായി നടപ്പാക്കുന്നതിനാണ് പദ്ധതി.
പ്രതികരിക്കാൻ ഇവിടെ എഴുതുക