തിരുവനന്തപുരം: സംസ്ഥാനത്ത് ലോക്ഡൗണ് നടപ്പാക്കുന്നത് ആലോചനയിലാണെന്ന് മുഖ്യമന്ത്രി പിണറായി വിജയന്. ലോക്ഡൗണിന് സമാനമായ നിയന്ത്രണമുണ്ടാകും. കേരളത്തില് കൊവിഡ് രോഗത്തിന് ചികിത്സയിലുളളവര് മൂന്ന് ലക്ഷം കവിഞ്ഞിരിക്കുകയാണ്.
കൊവിഡ് വ്യാപനം രൂക്ഷമായ ജില്ലകളില് ലോക്ഡൗണ് വേണ്ടിവരും. ആരാധനാലയങ്ങളില് പരമാവധി 50 പേര് ആണ് അനുവദിച്ചിരിക്കുന്നത്. ഇത് സ്ഥല സൗകര്യമുളള ക്ഷേത്രങ്ങളിലാണ്. ചെറിയവയില് അതിനനുസരിച്ച് നിയന്ത്രണം വേണം. ഹോട്ടലുകളിലും ഭക്ഷണശാലകളിലും പാഴ്സല് സംവിധാനം മാത്രമാകും.
സംസ്ഥാനത്ത് കേന്ദ്ര, സംസ്ഥാന സര്ക്കാര് ഒഫീസുകളില് അവശ്യ സേവനങ്ങള് നടപ്പാക്കുന്ന ഓഫീസുകള് മാത്രം പ്രവര്ത്തിക്കുന്ന കാര്യം ആലോചിക്കേണ്ടി വരും. ബാങ്കിംഗ് സേവനം നിലവില് രണ്ട് മണിവരെയാണ്. പരമാവധി ഓണ്ലൈന് ബാങ്കിംഗ് പ്രോത്സാഹിപ്പിക്കണമെന്നും മുഖ്യമന്ത്രി പറഞ്ഞു.
പ്രതികരിക്കാൻ ഇവിടെ എഴുതുക