Home KERALA അസമില്‍ കുടുങ്ങിയ ടൂറിസ്റ്റ് ബസിലെ ജീവനക്കാരന്‍ ആത്മഹത്യ ചെയ്തു, മൃതദേഹം ബസില്‍ തൂങ്ങിയ നിലയില്‍

അസമില്‍ കുടുങ്ങിയ ടൂറിസ്റ്റ് ബസിലെ ജീവനക്കാരന്‍ ആത്മഹത്യ ചെയ്തു, മൃതദേഹം ബസില്‍ തൂങ്ങിയ നിലയില്‍

കോഴിക്കോട് കൊയിലാണ്ടി സ്വദേശി അസമില്‍ തൂങ്ങിമരിച്ച നിലയില്‍. അസമില്‍ കുടുങ്ങിയ ടൂറിസ്റ്റ് ബസിലെ ജീവനക്കാരനായ അഭിജിത്താണ് മരിച്ചത്.

ബസില്‍ തൂങ്ങിമരിച്ച നിലയില്‍ കണ്ടെത്തുകയായിരുന്നു. മാസങ്ങള്‍ക്ക് മുന്‍പാണ് ഇതര സംസ്ഥാന തൊഴിലാളികളുമായി അസമിലേക്ക് ടൂറിസ്റ്റ് ബസ് പുറപ്പെട്ടത്.

പിന്നാലെ കൊവിഡ് രണ്ടാം തരംഗം രാജ്യത്ത് വലിയ പ്രതിസന്ധി രൂപപ്പെട്ടു. ഇതോടെ ബസും ജീവനക്കാരും അസമിലെ നഗോറയില്‍ കുടുങ്ങുകയായിരുന്നു.

ലോക്ഡൗണ്‍ നിയന്ത്രണങ്ങള്‍ കാരണം ജീവനക്കാര്‍ വലിയ പ്രതിസന്ധിയിലായിരുന്നു. അസമിലെത്തിയ തൊഴിലാളികള്‍ തിരികെ നാട്ടിലേക്ക് വരാനില്ലെന്ന് നിലപാട് വ്യക്തമാക്കിയതോടെ ജീവനക്കാര്‍ക്ക് തിരികെ വരാന്‍ അവസരമൊരുക്കണമെന്ന് ആവശ്യമുയര്‍ന്നിരുന്നു.

എന്നാല്‍ ബസുടമകള്‍ വിഷയത്തില്‍ കാര്യമായ ഇടപെടലൊന്നും നടത്തിയില്ല. ഏതാണ്ട് 70,000 രൂപയോളമാണ് ഇവര്‍ക്ക് നാട്ടിലെത്താന്‍ ആവശ്യമായി വേണ്ടിയിരുന്നത്.

Also Read :   ചിരോഞ്ചി കഴിക്കുന്നതിലൂടെ ഈ 4 വയറ്റിലെ പ്രശ്‌നങ്ങളെ മറികടക്കാൻ കഴിയും, എങ്ങനെ ഉപയോഗിക്കണമെന്ന് അറിയാം