കോഴിക്കോട്: ചലച്ചിത്ര തൊഴിലാളി സംഘടനയായ ഫെഫ്കയുടെ കൊവിഡ് സ്വാന്തന പദ്ധതിയിലേയ്ക്ക് ഒരു ലക്ഷം രൂപ സംഭാവന നല്കി നടന് അനൂപ് മേനോന്. ഫെഫ്ക ഭാരവാഹികള് തന്നെയാണ് സമൂഹ മാധ്യമങ്ങളിലൂടെ ഇക്കാര്യം അറിയിച്ചത്. നേരത്തെ പൃഥ്വിരാജ് കൊവിഡ് സാന്ത്വന പദ്ധതിയിലേക്ക് മൂന്ന് ലക്ഷം രൂപ സംഭാവന നല്കിയിരുന്നു.
ഫെഫ്കയ്ക്ക് കീഴിലെ 19 യൂണിയനുകളില് അംഗങ്ങളായ മലയാള ചലച്ചിത്ര പ്രവര്ത്തകര്ക്ക് വേണ്ടിയുള്ള സഹായ പദ്ധതികള് ഫെഫ്ക കഴിഞ്ഞ ദിവസം പ്രഖ്യാപിച്ചിരുന്നു.
ആശുപത്രിയില് കഴിയുന്ന കൊവിഡ് ബാധിതര്ക്ക് ധന സഹായം, കോവിഡ് മെഡിക്കല് കിറ്റ്, അംഗങ്ങള്ക്കും കുടുംബാംഗങ്ങള്ക്കും ജീവന് രക്ഷാ മരുന്നുകളുടെ സൗജന്യ വിതരണം, കുട്ടികളുടെ പഠന സാമഗ്രികള് വാങ്ങാനുള്ള സഹായം, കൊവിഡ് മൂലം മരണമടയുന്ന അംഗങ്ങളുടെ കുടുംബത്തിന് അമ്പതിനായിരം രൂപ, ആവശ്യമെങ്കില് ആശ്രിതര്ക്ക് സംഘടനാ അംഗത്വം, ജോലി എന്നിവയാണ് പദ്ധതിയില് ഉള്പ്പെട്ടിരിക്കുന്ന കാര്യങ്ങള്.
പ്രതികരിക്കാൻ ഇവിടെ എഴുതുക