കൊച്ചി ചുള്ളിക്കണ്ടത്ത് പശുക്കള്ക്ക് നേരെ തുടര്ച്ചയായി ആസിഡ് ആക്രമണം. സംഭവത്തിൽ പ്രതികളെ എത്രയും പെട്ടന്ന് പിടികൂടാൻ ഉത്തരവിട്ടതായി മന്ത്രി ജെ ചിഞ്ചുറാണി അറിയിച്ചു. മൃഗങ്ങള്ക്കെതിരായ അതിക്രമങ്ങളില് കുറ്റക്കാരായവര്ക്കെതിരേ ശക്തമായ നടപടി സ്വീകരിക്കുമെന്നും മന്ത്രി പറഞ്ഞു. അതേസമയം പശുക്കള്ക്ക് നേരെ തുടര്ച്ചയായി ആസിഡ് ആക്രമണം നടത്തുന്നതായി പരാതിയൊന്നും ലഭിച്ചിട്ടില്ലെന്നും മന്ത്രി പറഞ്ഞു. മാധ്യമ വാർത്ത ശ്രദ്ധയിൽ പെട്ടതിനെ തുടർന്നാണ് നടപടിയെന്നും വ്യക്തമാക്കി.
മൃഗങ്ങളോട് ക്രൂരത കാണിക്കുന്നവർ മാനസിക വൈകല്യമുള്ളവരാണെന്നും മന്ത്രി ആരോപിച്ചു.
അതേസമയം മൃഗങ്ങളോടുള്ള ക്രൂരതകള് റിപ്പോര്ട്ട് ചെയ്യുന്നതിനും അതില് അന്വേഷണം നടത്തി കുറ്റക്കാരെ കണ്ടെത്തുന്നതിനുമായി അടിയന്തരമായി ബോര്ഡ് രൂപീകരിക്കാനുള്ള നടപടികള് സ്വീകരിച്ചിട്ടുണ്ട്.
ഒന്നര വര്ഷത്തിനിടെ കവളങ്ങാട് പഞ്ചായത്തിലെ ചുള്ളിക്കണ്ടത്ത് 12 പശുക്കളാണ് ആസിഡ് ആക്രണണത്തിന് ഇരയായത്.
റബ്ബര് പാല് ഉറയിടുന്ന ഫോര്മിക്ക് ആസിഡാണ് പശുക്കളുടെ ദേഹത്ത് കോരിയൊഴിച്ചിരിക്കുന്നത്. തൊലിപൊളിഞ്ഞ് മാംസം പുറത്തേക്ക് തള്ളി വ്രണമായി മാറിയ അവസ്ഥയിലാണ് മിക്ക പശുക്കളും. മുറിവുകളുമായി മാസങ്ങളോളം ചികിത്സ നടത്തി ഭേദപ്പെടുത്തിയിടുത്ത പശുക്കള്ക്ക് നേരേ വീണ്ടും ആസിഡ് ആക്രമണം നടത്തുന്നതും പതിവായിരിക്കുകയാണ്.
പ്രതികരിക്കാൻ ഇവിടെ എഴുതുക