ജന്മനാടിന്റെ ഭീകരതയില് നിന്നും പുതുജീവിതത്തിലേക്ക് നിരവധി അഫ്ഗാനികളാണ് പാലായനം ചെയ്തത്. താലിബാന്റെ കണ്ണില്പ്പെടാതെ രാജ്യം ഉപേക്ഷിച്ച് സുരക്ഷിത രാജ്യങ്ങളിലെത്തിയ പലരും സന്തോഷം പങ്കുവച്ചിരുന്നു.
അഫ്ഗാനില് നിന്ന് ബെല്ജിയത്തില് വിമാനം ഇറങ്ങിയതോടെ സന്തോഷം കൊണ്ട് തുള്ളിച്ചാടുന്ന അഫ്ഗാന് ബാലികയുടെ അത്തരമൊരു ചിത്രമാണ് ഇപ്പോള് വൈറലാകുന്നത്.
ബെൽജിയത്തിലെ മെൽസ്ബ്രോക്ക് സൈനിക വിമാനത്താവളത്തിൽ തൻറെ കുടുംബത്തോടൊപ്പം ഇറങ്ങിയ ഒരു അഫ്ഗാൻ പെൺകുട്ടി തുള്ളിച്ചാടുന്ന ചിത്രമാണ് ഇത്.
A girl skips across the tarmac as people evacuated from Kabul arrive at Melsbroek military airport in Belgium, August 25, 2021. REUTERS/Johanna Geron pic.twitter.com/tZAbs9RpZg
— Idrees Ali (@idreesali114) August 25, 2021
റോയിട്ടേഴ്സ് ജേർണലിസ്റ്റ് ജൊഹാന ജെറോൺ പകർത്തിയ ചിത്രമാണ് ഇത്. അഫ്ഗാനിസ്ഥാനികൾ കൂട്ടത്തോടെ സൈനിക വിമാനത്താവളത്തിൽ എത്തുന്നതും ആൾക്കൂട്ടത്തിനിടയിൽ, കുട്ടി തന്റെ ജന്മനാടിന്റെ ഭീകരതയിൽ നിന്ന് ഒരു പുതിയ ജീവിതത്തിലേക്കുള്ള വഴിയില് തുള്ളിച്ചാടുന്നതും കാണാം.
മറ്റൊരു ചിത്രത്തിൽ ഒരു കൊച്ചു പെൺകുട്ടി തനിച്ചായി വിശാലമായ ശൂന്യമായ ടാർമാക്കിൽ ഒറ്റയ്ക്ക് നിൽക്കുന്നതും, ഒരു ബാഗ് തോളിൽ വഹിക്കുന്നതും മറ്റൊന്ന് കയ്യിൽ വഹിക്കുന്നതും കാണാം.
മറ്റ് മിക്ക രാജ്യങ്ങളെയും പോലെ, ബെൽജിയവും കാബൂളിലേക്ക് സൈനികരെ അയച്ചു, അവരോടൊപ്പം ജോലി ചെയ്യുന്ന കുറച്ച് അഫ്ഗാനികളെയും അവരുടെ പൗരന്മാരെയും ഒഴിപ്പിച്ചു.
പ്രതികരിക്കാൻ ഇവിടെ എഴുതുക