മലപ്പുറം: കാടാമ്പുഴയില് പൂര്ണ ഗര്ഭിണിയെയും മകനെയും കൊലപ്പെടുത്തിയ പ്രതി ആത്മഹത്യയ്ക്ക് ശ്രമിച്ചു. ജയിലില് വെച്ച് കൈഞരമ്പ് മുറിച്ച് ജീവനൊടുക്കാനാണ് വെട്ടിച്ചിറ ചാരിയത്തൊടി മുഹമ്മദ് ശെരീഫ് (42) ശ്രമിച്ചത്.
പ്രതിയെ ഉടന് തന്നെ ആശുപത്രിയിലാക്കി. കേസില് പ്രതി കുറ്റക്കാരനെന്ന് കണ്ടെത്തിയ കോടതി, ഇന്ന് ശിക്ഷ വിധിക്കാനിരിക്കെയായിരുന്നു ആത്മഹത്യാശ്രമം.
മധ്യപ്രദേശിലെ ഡാറ്റിയയിൽ കോളേജ് വിദ്യാര്ത്ഥിനി കൂട്ടബലാത്സംഗത്തിനിരയായി, പ്രതികൾക്കായി തിരച്ചില്
പല്ലിക്കണ്ടത്ത് വലിയ പുരയ്ക്കല് മരക്കാരിന്റെ മകള് ഉമ്മുസല്മ (26), മകന് ദില്ഷാദ് (7) എന്നിവരെയാണ് മുഹമ്മദ് ശരീഫ് കൊലപ്പെടുത്തിയത്. കൊല്ലണമെന്ന ഉദേശ്യത്തോടെ വീട്ടില് അതിക്രമിച്ച് കയറല്, ഗര്ഭസ്ഥ ശിശുവിനെ കൊല്ലണമെന്ന ലക്ഷ്യത്തോടെയുള്ള കുറ്റകൃത്യം, കൊലപാതകം എന്നീ കുറ്റങ്ങളാണ് ഇയാള്ക്കെതിരെ ചുമത്തിയത്.
2017 മെയ് 24നാണ് കേസിനാസ്പദമായ സംഭവം. ഉമ്മുസല്മ ഭര്ത്താവും വീട്ടുകാരുമായി തെറ്റിപിരിഞ്ഞ് താമസിക്കുകയായിരുന്നു. ഭാര്യയും മൂന്ന് മക്കളുമുള്ള പ്രതി ഉമ്മുസല്മയുമായി സൗഹൃദത്തിലായി.
ഈ ബന്ധത്തില് ഉമ്മുസല്മ ഗര്ഭിണിയായി. പ്രസവത്തിനായി ആശുപത്രിയില് പ്രവേശിപ്പിക്കുന്നതുമായി ബന്ധപ്പെട്ട് ഇരുവരും തമ്മിലുണ്ടായ തര്ക്കമാണ് കൊലപാതകത്തില് കലാശിച്ചത്.
പ്രതികരിക്കാൻ ഇവിടെ എഴുതുക