രാജ്യസഭ തെരഞ്ഞെടുപ്പ് നടന്ന 16 സീറ്റുകളില് 8 എണ്ണം ബിജെപിയാണ് ജയിച്ചത്. ഹരിയാനയിലെ രണ്ട് സീറ്റുകളും എന്ഡിഎ ജയിച്ചു.
മഹാരാഷ്ട്രയിലും കര്ണാടകയിലും 3 സീറ്റ് വീതം ബിജെപി സ്വന്തമാക്കിയപ്പോൾ . കോണ്ഗ്രസ് അഞ്ച് സീറ്റില് ജയിച്ചു. ഹരിയാനയില് കോണ്ഗ്രസ് എംഎല്എ കുല്ദീപ് ബിഷ്ണോയി ബിജെപിക്ക് വോട്ട് ചെയ്തു. ഹരിയാനയിലെ തോല്വി അന്വേഷിക്കുമെന്ന് കോണ്ഗ്രസ് വ്യക്തമാക്കിയിട്ടുണ്ട്.
അതേ സമയം മഹാരാഷ്ട്രയില് ശിവസേന എംഎല്എയുടെ വോട്ട് അസാധുവായി. എന്സിപിക്കും ശിവസേനയ്ക്കും ഒരോ സീറ്റ് വീതമാണ് മഹാരാഷ്ട്രയില് ലഭിച്ചത്. ഹരിയാനയില് നിന്നും മത്സരിച്ച കോണ്ഗ്രസിന്റെ മുതിര്ന്ന നേതാവ് അജയ് മാക്കാനാണ് തോല്വി അറിഞ്ഞത്.
അതേസമയം കർണാടകത്തിൽ നടന്ന ത്രികോണ മത്സരത്തിൽ ബിജെപിക്ക് തന്നെയാണ് ജയം.
കർണാടകയിൽ നിന്ന് നിർമ്മലാ സീതാരാമനും , കോൺഗ്രസ് സ്ഥാനാർത്ഥി ജയറാം രമേശും രാജ്യസഭയിലേക്ക് വിജയിച്ചു. ത്രികോണ മത്സരം നടന്ന നാലാം സീറ്റ് ബിജെപിക്ക് കിട്ടി.
പ്രഫറൻഷ്യൽ വോട്ടിങ്ങിലേക്ക് നീങ്ങിയ നാലാം സീറ്റിൽ ബിജെപി സ്ഥാനാർത്ഥി ലെഹര് സിങ് സിരോയ വിജയിച്ചു. നിർമ്മലാ സീതാരാമൻ, നടൻ ജഗ്ഗീഷ് അടക്കം മൂന്ന് ബിജെപി സ്ഥാനാർത്ഥികൾ വിജയിച്ചു. രണ്ട് സ്ഥാനാർത്ഥികളെ നിർത്തിയ കോൺഗ്രസിൽ ജയറാം രമേശ് മാത്രമാണ് വിജയിച്ചത്.
നിർമല സീതാരാമനും ജയറാം രമേശിനും 46 വോട്ട് വീതം ലഭിച്ചു. തെരഞ്ഞെടുപ്പിൽ ജെഡിഎസ് സ്ഥാനാർത്ഥിയെ പിന്തുണയ്ക്കാത്തതിൽ അതൃപ്തി വ്യക്തമാക്കി കുമാരസ്വാമി രംഗത്തെത്തി. കോൺഗ്രസ് ബിജെപിയുടെ ബി ടീമെന്നാണ് ജെഡിഎസ് വിമർശനം.
പ്രതികരിക്കാൻ ഇവിടെ എഴുതുക